مارات ءازىلحانوۆ: قازاق ءتىلىنىڭ ينتەگراتور تىلگە اينالاتىن كەزى كەلدى
«تاۋەلسىزدىك جىلدارىندا مەملەكەتتىك ءتىل ءبىزدىڭ مەملەكەتتىگىمىزدىڭ ارقاۋىنا، قازاقستاندىق بىرەگەيلىكتىڭ ىرگەتاسىنا، جالپىعا بىردەي تانىلعان ازاماتتىق ماركەرگە اينالدى. ءبىلىم بەرۋ سالاسىنداعى جۇيەلى شارالار بۇل مىندەتتى ەلىمىزدىڭ جاس ازاماتتارىنىڭ ءاربىر جاڭا بۋىنى ءۇشىن قولايلى شەشۋگە ارنالعان. ءتۇرلى ەتنوستار وكىلدەرى ءوز بالالارىن قازاق بالاباقشالارىنا، قازاق مەكتەپتەرى مەن ج و و-دا وقىتۋى بۇگىنگى تاڭدا ءجيى كەزدەسەدى. بۇگىندە قازاقستاندا 5644 ۇيىم بالالاردى قازاق تىلىندە وقىتادى جانە تاربيەلەيدى، 3798 قازاق مەكتەبى جۇمىس ىستەيدى»، - دەدى مارات ءازىلحانوۆ ق ح ا ۇيىمداستىرۋىمەن وتكەن دوڭگەلەك ۇستەلدە.
ونىڭ ايتۋىنشا، قازاق ءتىلىن ۇيرەنۋ، ونىڭ قىزمەت ەتۋ اياسىن كەڭەيتۋ، كۇندەلىكتى ومىردە پايدالانۋ قازاق تىلىنە دەگەن دوستىق، سەنىم مەن سۇيىسپەنشىلىك جاعدايىندا ءوتۋى ءتيىس.
«بارلىق باسقا ادىستەر، تاجىريبە كورسەتكەندەي، ءبىز كوزدەگەن ناتيجەگە قول جەتكىزبەيدى. لاتىن گرافيكاسىنا كوشۋ، «رۋحاني جاڭعىرۋ» باعدارلاماسىن ىسكە اسىرۋ مەملەكەتتىك ءتىلدى دامىتۋعا قۋاتتى سەرپىن بەردى، قازاقستان ادەبيەتىنىڭ تاڭداۋلى شىعارمالارى ب ۇ ۇ- نىڭ 6 تىلىنە اۋدارىلدى، ءتۇرلى ءبىلىم سالالارى بويىنشا الەمنىڭ ۇزدىك وقۋلىقتارى مەملەكەتتىك تىلگە اۋدارىلدى. بۇگىنگى تاڭدا، تاۋەلسىزدىكتىڭ 30 جىلدىعىندا، قازاق ءتىلى ينتەگراتور- تىلگە، ەل ىشىندەگى ەتنوسارالىق قارىم-قاتىناس تىلىنە اينالاتىن ۋاقىت كەلدى. بۇل پىكىردى، ارينە، قازاقستاننىڭ بارلىق ازاماتتارى، سونىڭ ىشىندە ءتۇرلى ەتنوستار وكىلدەرى دە قولدايدى»، - دەدى ق ح ا ءتوراعاسىنىڭ ورىنباسارى.
اۆتور: ەسىمجان ناقتىباي