ەلوردادا قوعامدىق كولىكتەر دەمالىس كۇندەرى دە جۇرەدى - اكىمدىك
14:20, 09 - قىركۇيەك 2021
نۇر-سۇلتان. قازاقپارات - نۇر-سۇلتاندا ەندى جەكسەنبى كۇندەرى دە قوعامدىق كولىك جۇرەتىن بولادى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
بۇعان دەيىن سەنبى كۇندەرى اۆتوبۋستاردىڭ جۇمىسىنا رۇقسات ەتىلگەن بولاتىن. ال جەكسەنبى جۇمىس ىستەمەيتىن. وسىلايشا، قوعامدىق كولىك ەندى اپتانىڭ بارلىق كۇنى ساعات 06.00-دەن 23.00-گە دەيىن شتاتتىق رەجيمدە جۇرەتىن بولادى.
«ايتا كەتەيىك، دەزينفەكسيا جۇمىستارى تۇراقتى جالعاسۋدا، اۆتوبۋستار كۇن سايىن وڭدەلىپ تۇرادى. قوعامدىق كولىكتەردە ماسكا رەجيمىن ساقتاۋ كەرەكتىگىن ەسكە سالامىز. اۆتوبۋسقا ماسكاسىز كىرۋگە تىيىم سالىنادى. جول ءجۇرۋ تولەمى تەك قولما-قول اقشاسىز: كولىك كارتاسىمەن نەمەسە QR- كودتى سكانەرلەۋمەن جۇزەگە اسىرىلادى»، - دەلىنگەن حابارلامادا.