ەلوردادا جاقسىلىق ۇشكەمپىروۆكە ەسكەرتكىش اشىلدى
15:44, 08 - قىركۇيەك 2021
نۇر- سۇلتان. قازاقپارت - بۇگىن نۇر- سۇلتان قالاسىنداعى جەكپە- جەك سارايىنىڭ الدىندا قازاقتىڭ داڭقتى سپورتشىسى، وليمپيادا چەمپيونى جاقسىلىق ۇشكەمپىروۆكە ەسكەرتكىش ورناتىلدى.
بۇل تۋرالى قازاقپارات نۇر- سۇلتان قالاسىنىڭ دەنە شىنىقتىرۋ جانە سپورت باسقارماسىنا سىلتەمە جاساپ حابارلايدى.
ەسكەرتكىشتىڭ اشىلۋ راسىمىنە مادەنيەت جانە سپورت ءمينيسترى اقتوتى رايىمقۇلوۆا مەن نۇر- سۇلتان قالاسى اكىمىنىڭ ورىنباسارى اسحات ورالوۆ، بوكستان وليمپيادا ويىندارىنىڭ جەڭىمپازى دانيار ەلەۋسىنوۆ ارنايى قاتىستى.
2019 -جىلى اشىلعان جەكپە- جەك سارايىنا بىلتىرعى جىلدىڭ جەلتوقسان ايىندا جاقسىلىق اعامىزدىڭ ەسىمى بەرىلگەن بولاتىن. جاقسىلىق ءامىرالى ۇلى ۇشكەمپىروۆ- گرەك- ريم كۇرەسىنىڭ پالۋانى، وليمپيادا چەمپيونى، قازاقستاننىڭ ەڭبەك ەرى، كسرو- نىڭ ەڭبەك سىڭىرگەن سپورت شەبەرى (1980). الەم چەمپيونى. «قۇرمەت بەلگىسى» وردەنىنىڭ يەگەرى.
فوتو: inbusiness.kz