تالىپتەر اۋعانستان اۋماعىندا اسپانعا وق اتۋعا تىيىم سالدى
جەكسەنبىدە ءتيىستى وكىمنىڭ ءماتىنىن قوزعالىس وكىلى زابيحۋللا مۋدجاحيد Twitter- دە جاريالادى، دەپ حابارلايدى قازاقپارات.
«اۋعانستان يسلام امىرلىگىنىڭ» (تالىپتەردىڭ ءوزىن- ءوزى اتاۋى) اسكەري ىستەر جونىندەگى كوميسسياسى قول قويعان نۇسقاۋلىقتا «كابۋلدا جانە ەلدىڭ باسقا دا قالالارىندا اۋەگە وق جاۋدىرۋ ادامداردىڭ ولىمىنە جانە جاراقاتتانۋىنا، سونداي- اق بەيبىت تۇرعىندار اراسىندا ۇرەي تۋدىراتىنى» ايتىلعان.
«وسىعان بايلانىستى كابۋل مەن پروۆينتسيالارداعى بارلىق اسكەري شەنەۋنىكتەر، كومانديرلەر جانە باسقا دا جاۋاپتى ادامدارعا اسپانعا وق اتقانداردى دەرەۋ تۇتقىنداپ، قارۋسىزداندىرۋ تاپسىرىلدى. كابۋل مەن پروۆينسيانىڭ پوليتسيا باسشىلارىنا، سونداي- اق بارلاۋ قىزمەتكەرلەرىنە قۇقىق بۇزۋشىلاردى انىقتاۋ جانە جازالاۋ ءۇشىن جەدەل جانە قاتاڭ شارالار قابىلداۋعا نۇسقاۋ بەرىلدى»، - دەلىنگەن تالىپتەردىڭ نۇسقاۋىندا.
بۇعان دەيىن حابارلانعانداي، سەنبى كۇنى پاندجشەر پروۆينتسياسىن باسىپ الۋ تۋرالى حابارلامالاردان كەيىن «تاليبان» راديكالدى قوزعالىسىنىڭ سودىرلارى جاپپاي بەي- بەرەكەت وق جاۋدىرعان.
اتىس سالدارىنان ەلدە قازا تاپقاندار مەن جارالانعاندار سانى 70 تەن استى.