لەنين - اقسۋ- كوكتوبە - ۇلكەن اقجار- كۋرچاتوۆ قالاسى جول بولىگى پايدالانۋعا بەرىلدى
بۇل تۋرالى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنا سىلتەمە جاساپ حابارلايدى.
جۇمىستاردى «پاۆلودار جولدارى» ج ش س مەردىگەرلىك ۇيىمى «جول- كونسالتينگ» ج ش س تەحنيكالىق قاداعالاۋىمەن ورىندادى. جوبانىڭ اۆتورى - «يۋپيتەر» او ج ش س. جول III تەحنيكالىق ساناتقا جاتادى، جوندەۋ اياسىندا جول جابىندىسى مەن جەر توسەمى تولىق قالپىنا كەلتىرىلدى.
ۋچاسكەدەگى قوزعالىس قارقىنى الەۋەتىنىڭ ۇلعايۋىن ەسكەرە وتىرىپ، ماماندار زاماناۋي ماتەريالداردى قولداندى. بۇل جولدى پايدالانۋدىڭ سەنىمدىلىگى مەن ۇزاق مەرزىمدىلىگىن قامتاماسىز ەتۋگە مۇمكىندىك بەرەدى. جول قوزعالىسى قاۋىپسىزدىگىن ۇيىمداستىرۋ ءۇشىن 200 جول بەلگىسى مەن پاننو، 2000 مەتردەن استام توسقاۋىل قورشاۋلارى، 1500 دابىل باعاناسى، سونداي- اق، كولدەنەڭ جول بەلگىلەرى ورناتىلىپ، جاساندى قۇرىلىستار ورنالاستىرىلدى. حالىققا جايلى جاعداي جاساۋ ءۇشىن كۇردەلى تيپتەگى سانيتارلىق بلوكتارى بار 5 اۆتوپاۆيلون سالىندى. بۇدان بولەك، ماي اۋىلىنىڭ جانىندا تروتۋارلار سالىنىپ، قىسقا مەرزىمدى دەمالىس الاڭدارى تۇرعىزىلدى.