ساۋدا مينيسترلىگى ازىق-تۇلىك ونىمدەرىنە باعانى قاداعالاۋعا الادى
بۇل تۋرالى بۇگىن ۇكىمەت وتىرىسىندا اتالعان ۆەدومستۆلنىڭ ۆيتسە-ءمينيسترى ەرجان قازانبايەۆ ءمالىم ەتتى، دەپ حابارلايدى قازاقپارات ءتىلشىسى.
«مەملەكەت باسشىسىنىڭ قازاقستان حالقىنا جولداۋىندا ساۋدا مينيسترلىگىنە بەرىلگەن تاپسىرمالار اياسىندا اتقارىلاتىن جۇمىستارعا توقتالساق، بىرىنشىدەن، ۇلتتىق تاۋار وتكىزۋ جۇيەسىنىڭ نەگىزگى مىندەتى وندىرۋشىدەن ريتەيلگە دەيىن تولىق تسيكلدى ينفراقۇرىلىمنىڭ تۇتاس جۇيەسىن قۇرۋ بولىپ وتىر. تاۋار وندىرۋشىلەر مەن جەكە قوسالقى شارۋاشىلىقتاردىڭ كوتەرمە ساۋدا ورتالىقتارى جۇيەسىنە ەركىن جانە باسەكەلى قول جەتكىزۋىن قامتاماسىز ەتۋ ماقساتىندا جەكە ءارى مەملەكەتتىك ارىپتەستەر اراسىنداعى جاسالعان مەملەكەتتىك - جەكەشەلىك ارىپتەستىك شارتى اياسىندا ءتيىستى نورمالار كوزدەلەتىن بولادى. بۇل اۋىل شارۋاشىلىعى ونىمدەرىن وتكىزۋ نارىعىن كەڭەيتۋگە مۇمكىندىك بەرەدى جانە ءوندىرۋشىنى تۇتىنۋشىعا جاقىنداتاتىن جەكە ەكونوميكالىق كلاستەردى قۇرادى»، - دەدى ەرجان قازانبايەۆ.
ءوز كەزەگىندە، ەركىن باسەكەلەستىك پەن ءونىمدى ساقتاۋ جانە ءبولۋ ينفراقۇرىلىمى تاريفتەرىنىڭ بولجامدى دەڭگەيى ءبىزدىڭ ازاماتتارىمىز ءۇشىن ازىق-تۇلىكتىڭ تۇپكىلىكتى باعاسىنا وڭ اسەرىن تيگىزەدى.
«ەكىنشى تاپسىرما - ول وندىرۋشىدەن تۇتىنۋشىعا دەيىنگى تىزبەك بويىنشا تاماق ونىمدەرىنىڭ باعاسىن ءبىرىڭعاي باقىلاۋ جونىندەگى نەگىزگى جاۋاپتى مەملەكەتتىك ورگاندى ايقىنداۋ جانە مۇددەلى مەملەكەتتىك ورگانداردىڭ ءوزارا ءىس- قيمىل رەگلامەنتىن ازىرلەۋ. وسى تارماقتى ىسكە اسىرۋ ءۇشىن مينيسترلىك ۇلتتىق ەكونوميكا مينيسترلىگى جانە باسقا دا مۇددەلى ورگاندارمەن بىرلەسىپ، ءبىر ايلىق مەرزىمدە ساۋدا جانە ينتەگراتسيا مينيسترلىگىنە وندىرۋشىدەن تۇتىنۋشىعا دەيىنگى تىزبەك بويىنشا ازىق- تۇلىك تاۋارلارىنا باعا بەلگىلەۋدى ۇيلەستىرۋ جانە ءبولۋ جونىندەگى ۋاكىلەتتى ورگاننىڭ فۋنكتسيالارىن بەرۋ ۇسىنىستارىن ەنگىزەدى»، - دەدى ۆيتسە-مينيستر. سونىمەن قاتار، ءبىر اي مەرزىمىندە سالالىق مەملەكەتتىك ورگاندار مەن ۇيىمدار اراسىنداعى ءوزارا ءىس- قيمىلدىڭ ءتيىستى رەگلامەنتى ازىرلەنەتىن بولادى.
«ءبىزدىڭ ماقساتىمىز - ازىق-تۇلىك تاۋارلارىنىڭ اعىندارى مەن باعالارىن مونيتورينگتەۋ مەن بولجاۋدىڭ دۇرىس جانە ءتيىمدى جۇيەسىن قۇرۋ. بۇل مەملەكەتكە نارىق كونەكتۋراسى مەن باعا وزگەرۋىنە ۋاقتىلى جانە جەدەل دەن قويۋعا مۇمكىندىك بەرەدى»، - دەدى ول.
اۆتور: رۋسلان عابباس