حالىقارالىق وليمپيادالاردىڭ جەڭىمپازدارى جوعارى وقۋ ورىندارىنا گرانت الادى

نۇر-سۇلتان. قازاقپارات - حالىقارالىق وليمپيادالاردىڭ جەڭىمپازدارى كونكۋرسقا قاتىسپاي- اق جوعارى وقۋ ورىندارىنا ءتۇسۋ ءۇشىن گرانت الادى.

بۇل تۋرالى مەملەكەت باسشىسىنىڭ جولداۋىندا بەرىلگەن تاپسىرمالاردى ورىنداۋعا ارنالعان ۇكىمەت وتىرىسىندا ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقاپارات ءتىلشىسى.

«حالىقارالىق وليمپيادالاردىڭ جەڭىمپازدارىن قولداۋ بويىنشا توقتالساق، ولارعا كونكۋرسقا قاتىسپاي- اق جوعارى وقۋ ورىندارىنا ءتۇسۋ ءۇشىن گرانت بەرۋ ماسەلەسىن زاڭنامالىق تۇردە رەتتەيمىز. سونداي-اق حالىقارالىق وليمپيادالاردىڭ جەڭىمپازدارىن ىنتالاندىرۋ جانە قولداۋ ماقساتىندا التىن مەدالعا 1500-ايلىق ەسەپتىك كورسەتكىش - بيىل ول 4,5 ميلليون تەڭگەگە جۋىق، كۇمىسكە - 1000، قولاعا – 500 ايلىق ەسەپتىك كورسەتكىش اقشالاي بىرمەزگىل سىيلىقتارىن تاعايىنداۋ جوسپارلانۋدا»، - دەدى ا. ايماعامبەتوۆ.

ونىڭ ايتۋىنشا، جەڭىمپازداردى دايىنداعان پەداگوگتەر مەن تالىمگەرلەرگە ءتيىستى ءبىرجولعى قارجىلاي سىياقى بەرۋ كوزدەلگەن.

ەسكە سالا كەتەيىك، مەملەكەت باسشىسى جولداۋىندا حالىقارالىق وليمپيادا جۇلدەگەرى بولعان وقۋشىلارعا اقشالاي سىياقى بەرىلەتىنىن ايتقان ەدى.