قاپشاعايدا جالعان پوليتسەي ۇستالدى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قاپشاعاي قالاسىنىڭ پوليتسياسىنا 21 جاستاعى تۇرعىننان ارىز تۇسكەن. ول ءوزىن پوليتسەيمىن دەپ تانىستىرعان ەر ادامنىڭ سەنىمىنە كىرىپ، اقشا العانىن جەتكىزگەن. ءبىراق قاراجاتتى قايتارماعاندىقتان، ول پوليتسياعا ارىزدانعان. جەدەل ىزدەستىرۋ كەزىندە 23 جاستاعى كۇدىكتى ۇستالدى. قازىر ونىڭ ۇستىنەن ق ر ق ك 190 - بابى 1 - بولىگى ياعني، «الاياقتىق» بويىنشا قىلمىستىق ءىس قوزعالىپ، تەرگەۋ ءجۇرىپ جاتىر. ءتارتىپ ساقشىلار ونىڭ نە سەبەپتى ءوزىن پوليتسەيمىن دەپ تانىستىرىپ، قانداي ماقساتپەن اقشا العانىن، سونىمەن قاتار وزگە قىلمىستارعا قاتىسى بار- جوعىن انىقتاپ جاتىر»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
دەپارتامەنت ۇستالعان ادامنىڭ پوليتسيا قىزمەتكەرى ەمەس ەكەنىن جانە ونىڭ بۇل جۇمىسقا مۇلدەم قاتىسى جوق ەكەنىن مالىمدەدى.
«تەرگەۋ بارىسىندا انىقتالعانداي كۇدىكتى جابىرلەنۋشىنىڭ سەنىمىنە كىرىپ، 737 مىڭ تەڭگە اقشاسىن يەمدەنىپ العانى انىقتالدى. جابىرلەنۋشى دەر كەزىندە پوليتسياعا شاعىمدانعاندىقتان كۇدىكتى دەر كەزىندە ۇستالدى»، - دەپ تولىقتىردى اتالعان ۆەدومستۆونىڭ باسپا ءسوز قىزمەتى.
اۆتور: سامال قابىشيەۆا