بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا ارنالعان جولداۋىن جاريالاۋ كەزىندە ءمالىم ەتتى، دەپ حابارلايدى قازاقپارات.
«جايىلىمدىق جەردى ءتيىمدى پايدالانۋ دا وتە ماڭىزدى. قازىر مال جاياتىن جەرگە شارۋالاردىڭ قولى جەتپەي ءجۇر. ويتكەنى مۇنداي القاپتاردى كەيبىر بەلگىلى ادامدار يەلەنىپ العان. ءتىپتى ونى ادام اياعى باسپايتىنداي ەتىپ قورشاپ تاستاعان»، - دەدى پرەزيدەنت.
وسى ورايدا مەملەكەت باسشىسى اكىمدەرگە قاتىستى ەسكەرتۋ ايتتى.
«اكىمدەر ءتۇرلى سەبەپتەردى سىلتاۋراتىپ ىقپالدى ادامداردىڭ ىعىنا جىعىلىپ، بۇل ماسەلەنى شەشە الماي وتىر. ۇكىمەت قۇزىرلى ورگاندارمەن بىرلەسىپ، وسى احۋالدى وزگەرتەتىن باتىل شارالار قابىلداۋعا ءتيىس. جەكە قوسالقى شارۋاشىلىقتاردىڭ مالىن جايىلىمدىق جەرمەن قامتاماسىز ەتۋ ماسەلەسىنە ايرىقشا نازار اۋدارۋ قاجەت»، - دەدى ق. توقايەۆ.