اتى اڭىزعا اينالعان پەلە اۋرۋحاناعا ءتۇستى
09:46, 01 - قىركۇيەك 2021
نۇر- سۇلتان. قازاقپارات - برازيليالىق فۋتبولشى پەلە 31-تامىز، سەيسەنبى كۇنى تاڭەرتەڭ اۋرۋحاناعا ءتۇستى، دەپ حابارلايدى قازاقپارات O Dia-عا سىلتەمە جاساپ.
برازيليالىق ب ا ق- تىڭ مالىمەتىنشە، 80 جاستاعى فۋتبولشى ەسىن جوعالتقان. پەلەنىڭ دەنساۋلىعىنىڭ ناشارلاۋىنىڭ سەبەپتەرىن انىقتاۋ ءۇشىن ونى سان- پاۋلۋداعى البەرت ەينشتەين اتىنداعى اۋرۋحانانىڭ قارقىندى تەراپيا بولىمشەسىنە ورنالاستىرعان. كەيىنىرەك پەلە ءوزىنىڭ Twitter- ىندە ەسىن جوعالتقانىن، ءبىراق قازىر ءوزىن جاقسى سەزىنەتىنى تۋرالى جازدى.
ول قازىرگى كەزدە كوروناۆيرۋس پاندەمياسىنان جوسپارلى تەكسەرىستەن ءوتىپ جاتقانىن ايتتى. فۋتبولشى ءتىپتى كەلەسى جەكسەنبىدە الاڭعا شىعاتىنىن ايتىپ ازىلدەدى. پەلە (ەدسون ارانتيس دۋ ناسيمەنتۋ) برازيليانىڭ قۇرامىندا الەم چەمپيوناتىن ءۇش رەت جەڭگەن. ول حالىقارالىق فۋتبول فەدەراتسياسىنىڭ (ف ي ف ا) نۇسقاسى بويىنشا ءجۇز جىلدىقتىڭ ويىنشىسى اتاندى.