ا ق ش اۋعانستاننان اسكەرىن تولىق اكەتتى
10:21, 31 - تامىز 2021
نۇر- سۇلتان. قازاقپارات - پەنتاگون ا ق ش اسكەرلەرىن كابۋلدىق اۋەجايدان ەۆاكۋاتسيالاۋ اياقتالعانىن جاريالادى. بۇل تۋرالى قازاقپارات BBC اقپارات اگەنتتىگىنە سىلتەمە جاساپ حابارلايدى.
پەنتاگون باسپا ءسوز حاتشىسى دجون كيربي مەن تەڭىز جاياۋ اسكەرى گەنەرالى كەننەت ماككەنزي قازىرگى كەزدە ءوتىپ جاتقان بريفينگتە امەريكاندىق اسكەري قىزمەتكەرلەر وتىرعان سوڭعى ۇشاقتىڭ كابۋل اۋەجايىنان ۇشىپ شىققانىن راستادى.
امەريكاندىقتار مەن تالىبتەر اراسىنداعى كەلىسىم بويىنشا، اسكەري قىزمەتكەرلەردى ەۆاكۋاتسيالاۋ 31 -تامىز كۇنى اياقتالۋى ءتيىس بولدى. BBCءتىلشىسى ليز دۋسەت تالىبتەردىڭ ءبىرشاما ۋاقىت بۇرىن جەلىدە ارنايى جاساعىنىڭ امەريكاندىقتارمەن كەزدەسكەن فوتوسۋرەتتەرىن جاريالاعانىن جازدى، الدىن الا بولجام بويىنشا، بۇل اۋەجايدى تاپسىرۋ پروتسەسى بولعان.