ا ق ش اسكەرى كابۋلداعى تۇرعىن ۇيلەردىڭ ءبىرىن زىمىرانمەن اتقىلاعان
13:36, 30 - تامىز 2021
نۇر-سۇلتان.قازاقپارات - اۋعانستان استاناسى كابۋل قالاسىندا جارىلىس بولدى، دەپ حابارلايدى «حابار 24». جەرگىلىكتى اقپارات قۇرالدارىنىڭ حابارلاۋىنشا، ا ق ش اسكەرى تۇرعىن ۇيلەردىڭ ءبىرىن زىمىرانمەن اتقىلاعان.
بۇل شابۋىلدان بىرنەشە ادام قازا تاپقان. اراسىندا ءبىر بالا بار. جارىلىس قۇرباندارى مەن جاپا شەككەندەردىڭ ناقتى سانى ازىرشە بەلگىسىز.
اسسوشەيتەد پرەسس اگەنتتىگىنىڭ حابارلاۋىنشا، ا ق ش اسكەرى جانكەشتى سودىر وتىرعان اۆتوكولىكتى كوزدەگەن. اقپارات كوزدەرىنىڭ حابارلاۋىنشا، ول ءوزىن اۋەجايدا جارىپ جىبەرمەك بولعان.
www.24.kz