نۇر- سۇلتان قالاسى پوليتسيا دەپارتامەنتىنىڭ حابارلاۋىنشا، رەيدتىك ءىس- شارالار كەزىندە ەلوردالىق پوليسيا قىزمەتكەرلەرى جول قوزعالىسى ەرەجەلەرىن، ورەسكەل زاڭ بۇزۋ فاكتىلەرىن انىقتاپ، جولىن كەسكەن.
«7 كۇندىك شارانىڭ اياسىندا ءىزىن سۋىتپاي 135 قىلمىس، بۇرىن جاسالعان 93 قىلمىس اشىلدى، ىزدەۋدە جۇرگەن 26 ادام ۇستالدى. پوليسيا قىزمەتكەرلەرى قاراقشىلىق شابۋىل جاسادى دەگەن كۇدىكپەن 45 جاستاعى قالا تۇرعىنىن ۇستادى»، - دەپ جازىلعان دەپارتامەنتتىڭ دەرەگىندە.
وقيعا 25-تامىز كۇنى ساعات 03.36 دا بولعان. كۇدىكتى جانارىس كوشەسىندەگى بەيتانىس ۇيگە كىرىپ، يەسىن پىشاقتاپ، ەكى ۇيالى تەلەفون مەن اقشانى قولدى قىلعان. پوليسيا قىزمەتكەرلەرى كۇدىكتىنى ۇستادى. ول قىلمىس جاساعانىن مويىنداعان، ۋاقىتشا ۇستاۋ يزولياتورىندا وتىر.
«اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر. جابىرلەنۋشى اۋرۋحانادا، ومىرىنە قاۋىپ ءتونىپ تۇرعان جوق. «قۇقىقتىق ءتارتىپ» جەدەل الدىن الۋ ءىس- شاراسى بارىسىندا زاڭسىز اينالىمنان 8 قارۋ- جاراق الىندى. 25-تامىزدا جەدەل- پروفيلاكتيكالىق ءىس- شارا بارىسىندا ەلوردانىڭ 26 جاستاعى تۇرعىنىنان ءتىنتۋ كەزىندە تاپانشا تاركىلەندى. اتالعان فاكتى بويىنشا قىلمىستىق ءىس قوزعالدى. ۇستالعان ازامات ۋاقىتشا ۇستاۋ يزولياتورىنا قامالدى. بۇدان باسقا، وپەراتسيا بارىسىندا 8 مىڭنان استام اكىمشىلىك قۇقىق بۇزۋشىلىق انىقتالدى. ونىڭ ىشىندە 675 ۇساق بۇزاقىلىق فاكتىسى، 1218 سپيرت ىشىمدىكتەرىن ءىشۋ نەمەسە قوعامدىق ورىندارعا ماساڭ كۇيدە كەلۋ فاكتىسى، 2735 ادام تىركەۋسىز نەمەسە جەكە باسىن كۋالاندىراتىن قۇجاتتارسىز تۇرۋ فاكتىلەرى بويىنشا جاۋاپقا تارتىلدى»، - دەيدى نۇر- سۇلتان قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ باستىعى ارمان ايتماعامبەتوۆ.
دەپارتامەنتتىڭ باسپا ءسوز قىزمەتى تاراتقان مالىمەت بويىنشا، شارا وتكەن 7 كۇنىندە 28 جۇرگىزۋشى ماس بولا تۇرىپ كولىكتى ايداعانى ءۇشىن اكىمشىلىك جاۋاپكەرشىلىككە تارتىلعان. سونداي- اق، ەسىرتكى زاتتارىن ساقتاۋدىڭ 44 فاكتىسىن انىقتالعان.