پاراليمپيادا: قازاقستاندىق سۋدا ءجۇزۋشى فينالعا شىقتى

نۇر- سۇلتان. قازاقپارات - جاپونيا استاناسى توكيو قالاسىندا ءوتىپ جاتقان VI پاراليمپيادادا قازاقستاندىق ەرجان سالىمگەرەيەۆ فينالعا شىقتى، دەپ حابارلايدى Sports.kz.

ەرجان سالىمگەرەيەۆ 50 مەترلىك باتتەرفلياي جارىسىندا 33.14 ناتيجە كورسەتىپ، توبىندا ءۇشىنشى، ال جالپى ەسەپتە جەتىنشى بولىپ مارەگە جەتتى. ەندى ول فينالدا باق سىنايدى. اقتىق سىن جارىسى نۇر- سۇلتان ۋاقىتىمەن ساعات 14:51-كورسەتىلەدى.

ەسكە سالساق، قازىرگە دەيىن قازاقستان قورجىنىندا ءتورت مەدال بار. ولاردىڭ قاتارىنان داۆيد دەگتياريەۆ (پارا پاۋەرليفتينگ) چەمپيون اتانسا، پارادزيۋدوشىلار ءانۋار ساريەۆ، تەمىرجان داۋلەت جانە زارينا بايباتينا كۇمىس جۇلدەگەر بولدى. ءدۇبىرلى دودا 24-تامىز جانە 5-قىركۇيەك ارالىعىندا وتكىزىلەدى. اتالعان جارىستا ەلىمىزدىڭ اتىنان بارعان 26 سپورتشى سپورتتىڭ 7 تۇرىنەن سىنعا تۇسەدى.