ەلىمىزدىڭ بارلىق مەشىتىندە جامبىلداعى جارىلىستا قازا تاپقانداردىڭ رۋحىنا قۇران حاتىم باعىشتالادى
«جامبىل وبلىسىنىڭ بايزاق اۋدانىندا وق-دارىلەر قويماسىنداعى ءورت پەن جارىلىستاردىڭ سالدارىنان ادامداردىڭ قازاعا ۇشىراۋى - ەلىمىزدىڭ باسىنا تۇسكەن اۋىر سىناق، بارشا قازاق ەلىنىڭ قابىرعاسىن قايىستىرۋدا. وسىعان وراي 29- تامىز جەكسەنبى كۇنى تاڭعى ساعات 10:00 دە ەلىمىزدىڭ بارلىق مەشىتتەرىندە جامبىل وبلىسىنىڭ بايزاق اۋدانىندا وق-دارىلەر قويماسىنداعى ءورت پەن جارىلىستاردىڭ سالدارىنان ادامداردىڭ قازاعا ۇشىراۋىنا بايلانىستى ولاردىڭ رۋحىنا باعىشتالىپ قۇران حاتىم دۇعاسى وقىلادى»، دەلىنگەن حابارلامادا.
ەسكە سالا كەتسەك، ق ر پرەزيدەنتى قاسىم-جومارت توقايەۆ 29- تامىزدى جالپىۇلتتىق ازا تۇتۋ كۇنى دەپ جاريالادى.
ەستەرىڭىزگە سالا كەتسەك، 26- تامىزدا ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جويقىن جارىلىس بولدى. سوڭعى مالىمەت بويىنشا، جامبىل وبلىسىنداعى جارىلىستان 12 ادام قازا تاپقان. دەنساۋلىق ساقتاۋ مينيسترلىگىنىڭ مالىمەتىنە سايكەس، بارلىعى 98 ادام مەديتسينالىق كومەككە جۇگىنگەن. ولاردىڭ 37 ءسى اۋرۋحاناعا جاتقىزىلىپ، قالعاندارى جاراقات پۋنكتتەرىندە ءتيىستى كومەك الىپ، ۇيلەرىنە جىبەرىلگەن.
تاراز قالاسىنىڭ ستاتسيونارلارىندا ەم الىپ جاتقان زارداپ شەگۋشىنىڭ بەسەۋى رەانيماتسيادا، ەكەۋىنىڭ جاعدايى اۋىر.