ا ق ش مەملەكەتتىك دەپارتامەنتى: قازاقستاننىڭ يادرولىق سىناقتى توقتاتۋ جونىندەگى قىزمەتى قۇرمەتكە لايىق
«امەريكا قۇراما شتاتتارى قازاقستاندى سەمەي يادرولىق سىناق پوليگونى جابىلۋىنىڭ 30 جىلدىعىمەن قۇتتىقتايدى. ونى جابۋ تۋرالى شەشىم يادرولىق قاۋىپسىزدىك پەن تاراتپاۋعا دەگەن ناقتى بەيىلدىلىكتى كورسەتتى. قازاقستاننىڭ سەمەي پوليگونىنا قاتىستى مۇنداي اسا ماڭىزدى شەشىمى قاۋىپسىز الەمگە قول جەتكىزۋگە باعىتتالعان ماڭىزدى شارالار تىزبەگىندەگى العاشقى شەشىم بولدى. پوليگون جابىلعاننان كەيىن امەريكا قۇراما شتاتتارى قازاقستانمەن بىرگە كەڭەستىك يادرولىق سىناق ينفراقۇرىلىمىنان قالعان مۇرانى الىپ تاستاۋ، سونداي-اق كەيىنگى كەزەڭدە دەگەلەڭ تاۋىنداعى يادرولىق سىناقتار ءۇشىن پايدالانىلعان 181 توننەلدى جويۋ ءۇشىن ىنتىماقتاسا جۇمىس اتقاردى»، دەلىنگەن حابارلامادا.
ا ق ش مەملەكەتتىك دەپارتامەنتىنىڭ مالىمدەمەۋىنشە، قازاقستاننىڭ بۇكىل الەمدە يادرولىق جارىلعىش قۇرىلعىلاردى سىناۋدى توقتاتۋدى قولداۋ جونىندەگى بەلسەندى قىزمەتى قۇرمەتكە لايىق.
«ءدال وسىلاي امەريكا قۇراما شتاتتارى دا يادرولىق سىناقتارعا جاپپاي تىيىم سالۋ تۋرالى شارتتى (ي ا س ج ت ش) قولدايدى جانە وسى ماقساتقا جەتۋ جولىندا تۇرعان ايتارلىقتاي قيىندىقتاردى مويىنداي وتىرىپ، ونىڭ كۇشىنە ەنۋى ءۇشىن جۇمىس اتقارۋعا بەيىلدى.
ي ا س ج ت ش ماقساتتارىنا سايكەس، امەريكا قۇراما شتاتتارى «نولدىك قۋاتتاعى» يادرولىق جارىلعىش قۇرىلعىلاردى سىناۋعا موراتوري ساقتاۋدى جالعاستىرۋدا جانە يادرولىق قارۋى بار بارلىق مەملەكەتتەردى وسىنداي موراتوري جاريالاۋعا نەمەسە ساقتاۋعا شاقىرادى»، دەلىنگەن حابارلامادا.
ا ق ش مەملەكەتتىك دەپارتامەنتى قازاقستان ۇكىمەتىنە تۇراقتى سەرىكتەستىگى ءۇشىن العىس ايتتى.