قىتايدا ەكى ميللياردتان استام ۆاكسينا سالىندى

نۇر- سۇلتان. قازاقپارات - قىتايدا كوروناۆيرۋسقا قارسى ەكى ميللياردتان اسا ەكپە سالىندى. بۇل تۋرالى دەنساۋلىق ساقتاۋ مينيسترلىگى حابارلادى.

890 ميلليون ادام تولىق ۆاكسينالانعان. ياعني ەكپەنىڭ ەكى دوزاسىن دا قابىلداعان. ەلدە نەگىزىنەن «سينوفارم» جانە «سينوۆاك» كومپانيالارى شىعارعان يناكتيۆتى ۆاكسينالار قولدانىلىپ كەلەدى. تامىز ايىنان باستاپ 12 مەن 17 جاس ارالىعىنداعى بالالارعا ەكپە سالىنىپ جاتىر. وقۋ جىلى باستالار الدىندا بيلىك وكىلدەرى مۇعالىمدەر مەن وقۋشىلارعا ۆاكسينا الۋعا نۇسقاۋ بەردى.

جەرگىلىكتى ساراپشىلاردىڭ ايتۋىنشا، ۆاكسينالاۋدىڭ قازىرگى قارقىنىمەن جىلدىڭ اياعىنا دەيىن 80 پروتسەنتتىك ۇجىمدىق يممۋنيتەت قالىپتاسۋى مۇمكىن.

www.24.kz