بەيجىڭدە وتەتىن قىسقى وليمپيادا ويىندارىنا ليتسەنزيا العان الماتىلىقتار بەلگىلى بولدى

الماتى. قازاقپارات - الماتىدا 2022-جىلى بەيجىڭدە وتەتىن قىسقى وليمپيادا ويىندارىنا قاتىسۋعا ليتسەنزيا العان سپورتشىلاردىڭ ەسىمدەرى بەلگىلى بولدى، دەپ حابارلايدى قازاقپارات ءتىلشىسى.

بۇل تۋرالى ونلاين بريفينگ بارىسىندا الماتى قالالىق سپورت باسقارماسىنىڭ باسشىسى رۇستەم بايسەيىتوۆ ءمالىم ەتتى.

«الماتىلىق سپورتشىلار سكانديناۆيالىق كومبيناتسيا مەن فريستايل اكروباتيكادان 5 ليتسەنزيانى جەڭىپ الدى. بۇل تىزىمدە شىڭعىس راكپاروۆ، جانبوتا الدابەرگەنوۆا، اقمارجان قالمۋرزايەۆا بار. تاعى 8 ليتسەنزيا كونكيمەن جۇگىرۋ، شاڭعى ترامپلينى، ايەلدەر حوككەيى، مانەرلەپ سىرعاناۋ جانە تاۋ شاڭعىسى بويىنشا جوسپارلانعان»، - دەدى رۇستەم بايسەيىتوۆ.

سپيكەر بەيجىڭدە وتەتىن XXIV قىسقى وليمپيادا ويىندارىنا دايىندىق قىزۋ ءجۇرىپ جاتقانىن تىلگە تيەك ەتتى.