جارىلىس بولعان قويمانىڭ ماڭايىندا قانداي ەلدى مەكەندەر بار
ق ر توتەنشە جاعايلار مينيسترلىگىنىڭ مالىمەتى بويىنشا ولاردىڭ 710 ى وبلىس ورتالىعىنى اەۆاكۋاتسيالانعان، دەپ حابارلايدى قازاقپارات ءتىلشىسى.
مينيسترلىك باسپا ءسوز قىزمەتى تاراتقان مالىمەت بويىنشا، ورتەنىپ جاتقان نىسانعا جاقىن جەردە 3 ەلدى مەكەن ورنالاسقان.
اتاپ ايتساق، جىبەك جولى كەنتى جارىلىس اۋماعىنان 3 شاقىرىم جەردە تۇر. مۇنداعى تۇرعىندار سانى - 378 ادام. ءۇشبۇلاق ستانساسى وقيعا وشاعىنان 8 شاقىرىمدا جاتىر. حالىق سانى - 216 ادام. بوتامويناق ەلدى مەكەنى وقيعا ورنىنان 10 شاقىرىم جەردە ورنالاسقان. مۇندا 492 ادام تۇرادى. «ءورت نىسانىنا جاقىن جەردە 3 ەلدى مەكەندەگى حالىقتىڭ جالپى سانى شامامەن 1086 مىڭ ادام. قازىر تاڭدا 710 تۇرعىن تاراز قالاسىنا ەۆاكۋاتسيالاندى. جامبىل پوليتەحنيكالىق كوللەدجى مەن تەمىرجول كوللەدجىنىڭ، قازاق- تۇرىك كوللەدجى مەن تاراز سەرۆيس جانە تەحنولوگيا كوللەدجىنىڭ، قانت- زاۋىت كوللەدجى مەن №5، 6، 10، 44، 23، 9، 12، 8، 54،53-ورتا مەكتەپتەردىڭ بازاسىندا دايىندالعان ەۆاكۋاتسيالاۋ بەكەتتەرىن 128 ادام پانالاۋدا. قالعان 582 ادام تۋىستارىنىڭ ۇيىنە كەتكەن. حالىققا اقپاراتتىق جانە پسيحولوگيالىق كومەك كورسەتۋ ءۇشىن ەكى جەدەل جەلى اشىلدى. ت ج م تەلەفوندارى - 333289، 533279، ت ج د تەلەفوندارى - 8 7262514167، 513775، 77788109109+»، - دەپ جازادى مينيسترلىكتىڭ باسپا ءسوز قىزمەتى. ايتا كەتەيىك، 26-تامىز كۇنى ساعات 19:00-دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جارىلىس بولدى.
سوڭعى رەسمي دەرەكتەر بويىنشا، جامبىل وبلىسىنداعى جارىلىستان 4 اسكەري قىزمەتشى قازا تاپقان. جامبىل وبلىسى اكىمىنىڭ باسپا ءسوز قىزمەتى اۋرۋحانادا جارىلىستان زارداپ شەككەن 27 ادام جاتقانىن حابارلادى. ونىڭ التاۋىنىڭ جاعدايى اۋىر. قورعانىس ءمينيسترى نۇرلان ەرمەكبايەۆتىڭ ايتۋىنشا، جارىلىستان بولعاننان بەرى 3 اسكەري قىزمەتشىمەن جانە توتەنشە جاعدايلار دەپارتامەنتىنىڭ بىرنەشە مامانىمەن بايلانىسۋ مۇمكىن بولماي تۇر.