قۇمار ويىنعا تاۋەلدىلىكتىڭ الدىن الۋ مۇمكىن بە؟
كونفەرەنسياعا ق ر جاستار جانە وتباسى ىستەرى كوميتەتىنىڭ ءتوراعاسى شاحماردان بايمانوۆ، «جاس ۇلان» ءبىرىڭعاي بالالار مەن جاسوسپىرىمدەر ۇيىمىنىڭ باسشىسى دينارا ءسادۋاقاسوۆا، وڭىرلىك جاستار ۇيىمدارىنىڭ وكىلدەرى مەن ساراپشىلار قاتىستى.
سپيكەرلەر ب ا ق پەن ساراپشىلاردى ينتەرنەت- تاۋەلدىلىكتىڭ جانە جاستار مەن بالالار اراسىنداعى قۇمار ويىنداردىڭ الدىن الۋ سالاسىنداعى حالىقارالىق زاڭنامانى تالداۋ بويىنشا جۇرگىزىلىپ جاتقان جۇمىستار تۋرالى ايتتى. سونىمەن قاتار كيبەربۋللينگ، ونلاين- تاۋەلدىلىكتى جانە قۇمار ويىندارعا تاۋەلدىلىكتى انىقتاۋ ماقساتىندا فوكۋس- توپتاردىڭ كەزدەسۋلەرى وتكەنىن مالىمدەدى. وسى ماقساتتا قۇرىلعان Telegram-ارنالاردىڭ جۇمىسى تۋرالى حاباردار ەتتى.
جوبانى ىسكە اسىرۋ كەزەڭىندە 17 وڭىردەن ءبىر مىڭنان استام جاس ينتەرنەت- تاۋەلدىلىكتىڭ، كيبەربۋللينگتىڭ جانە قۇمار ويىندارعا تاۋەلدىلىكتىڭ الدىن الۋ بويىنشا وقىتۋدان ءوتتى.
جوبا قورىتىندىسى بويىنشا وسى سالاداعى قازاقستاندىق زاڭنامانى جەتىلدىرۋ تۋرالى ناقتى ۇسىنىستار ازىرلەنىپ، تالدامالىق بايانداما دايىنداۋ جوسپارلانعان.
جوبا جاڭالىقتارىن «جاس ۇلان» ۇيىمىنىڭ Facebook - ReStart جانە Instagram - restart_social الەۋمەتتىك جەلىلەرىندەگى پاراقشالارىنان بىلۋگە بولادى
ايتا كەتەيىك، جوبا ق ر جاستارىن قولداۋدىڭ 2021-2025 -جىلدارعا ارنالعان كەشەندى جوسپارى اياسىندا «ازاماتتىق باستامالاردى قولداۋ ورتالىعى» ك ە ا ق قولداۋىمەن جۇزەگە اسىپ جاتىر.
egemen.kz