قازاقستاندا ءبىر جىلدا مۇعالىمدەر جالاقىسى قالاي ءوستى؟
بۇل 1 جىل بۇرىنعى كورسەتكىشتەن 2,5 پايىزعا جوعارى. وتكەن جىلدىڭ ءدال وسىنداي كەزەڭىندە سەكتوردا 515,5 مىڭ ادام ەڭبەك ەتكەن بولاتىن، دەپ حابارلايدى قازاقپارات ءتىلشىسى.
Ranking.kz مالىمەتىنشە، وڭىرلەر اراسىندا ءبىلىم بەرۋ سالاسىندا ەڭبەك ەتەتىن ەڭ كوپ پەداگوگ الماتى وبلىسىندا تىركەلگەن: 68,3 مىڭ ادام. ۇزدىك ۇشتىككە الماتى قالاسى مەن شىعىس قازاقستان وبلىسى دا كىرەدى.
ال اتىراۋ وبلىسىندا ءبىلىم بەرۋ سالاسىندا 14,2 مىڭ ادام عانا جۇمىس ىستەيدى. 2021 -جىلدىڭ ەكىنشى توقسانىندا ءبىلىم بەرۋ سالاسى قىزمەتكەرلەرىنىڭ ورتاشا ايلىق جالاقىسى 233,9 مىڭ تەڭگەنى قۇرادى. بۇل ءبىر جىل بۇرىنعى جالاقىدان 26,8 پايىزعا جوعارى.
ەلىمىزدە مەكتەپكە دەيىنگى ءبىلىم سالاسى قىزمەتكەرلەرىنىڭ ورتاشا جالاقىسى 116,4 مىڭ (ءوسىم 20,1 پايىز) ، باستاۋىش بىلىمدە 193,4 مىڭ (11,2 پايىز)، ورتا بىلىمدە 273,7 مىڭ (19 پايىز)، جوعارى بىلىمدە 251,7 مىڭ (12,2 پايىز) تەڭگەنى قۇرادى.
وڭىرلەر اراسىندا ەلوردا پەداگوگتارى ەڭ جوعارى جالاقى الادى. ولاردىڭ جالاقىسى ءبىر جىلدىڭ ىشىندە 17,6 پايىزعا ارتىپ، 350,8 مىڭ تەڭگەگە جەتتى. ەكىنشى جانە ءۇشىنشى ورىنعا ماڭعىستاۋ وبلىسى (268 مىڭ) مەن الماتى قالاسى (265,5 مىڭ) ورنالاسقان.
ال باتىس قازاقستان وبلىسى پەداگوگتارىنىڭ جالاقىسى ءبىر جىلدا 31,6 پايىزعا وسكەنىمەن، باسقا وڭىرلەرمەن سالىستىرعاندا ەڭ تومەن: 200,7 مىڭ تەڭگە. قازاقستاننىڭ 17 ءوڭىرىنىڭ تەك 5 ەۋىندە عانا قىزمەتكەرلەردىڭ جالاقىسى ەلىمىز بويىنشا ورتاشادان اسىپ ءتۇستى.
ق ر ءبىلىم جانە عىلىم مينيسترلىگىنىڭ مالىمەتىنشە، 2020 -جىلدىڭ قاڭتارىندا بالاباقشالار، مەكتەپتەر مەن كوللەدجدەر پەداگوگتارىنىڭ جالاقىسى تاعى 25 پايىزعا ارتاتىن بولادى. سونىمەن قاتار وسى جىلدىڭ قىركۇيەگىنەن باستاپ پەداگوگتاردى جۇمىسقا قابىلداۋ جۇيەسى وزگەرتىلىپ، ءبىلىم بەرۋ ۇيىمدارىنىڭ ديرەكتورلارىن تاعايىنداۋدىڭ جاڭا جۇيەسى ەنگىزىلەدى.