رەسەيلىك ارنالاردىڭ ءبىرى وسى شاراعا دايىندىق قالاي ءجۇرىپ جاتقانى تۋرالى سيۋجەت شىعاردى. سيۋجەتتە «ۆىزوۆ» اتتى فيلم رەسەيلىك «روسكوسموس» مەكەمەسى مەن رەسەيلىك تەلەارنانىڭ بىرلەسكەن اعارتۋشىلىق جوباسى رەتىندە تانىستىرىلعان. دايىندىق اياسىندا كەمە كومانديرى، رەسەيلىك عارىشكەر انتون شكاپلەروۆ، ءارتىس يۋليا پەرەسيلد، رەجيسسەر جانە وپەراتور كليم شيپەنكو حالىقارالىق عارىش ستانساسىنا ۇشاتىن كوستيۋممەن جاتتىعۋلار وتكىزىپ جۇرگەنى سيۋجەتتە كەڭىنەن كورسەتىلگەن.
«شامامەن ءبىر ايدان سوڭ وربيتاعا شىعامىز. ءتۇسىرىلىم توبى عارىش ستانتسياسىندا 12 كۇن بولادى. وسى ۋاقىت ىشىندە فيلمنىڭ ۇشتەن ءبىر بولىگىن ءتۇسىرۋ كەرەك. بۇل شامامەن 40 مينۋت»، - تەلەجۇرگىزۋشىسى.
ۇيىمداستىرۋشىلار ەكيپاجدى وربيتاعا شىعارىپ سالۋ سالتاناتىنا يلون ماسك، ريچارد برەنسون مەن دجەفف بازوستى شاقىرعان.
«مەن بۇگىن يلون ماسكا مىرزاعا ارنايى شاقىرۋ جولدايمىن. ارينە، برەنسون جانە بەزوس مىرزانى دا شاقىرعىمىز كەلەدى. عالامات ءۇش عارىش ءەنتۋزياستى ءبىزدىڭ جوباعا بايقوڭىر تورىندە كۋا بولسا، كەرەمەت بولار ەدى»، - دەيدى رەسەيلىك «روسكوسموس» مەكەمەسىنىڭ باسشىسى.
اۆتورى سارا كابي قىزى