ق ر باس سانيتار دارىگەرى ەرلان قياسوۆتىڭ جاڭا قاۋلىسىندا وسىلاي دەپ ايتىلعان، دەپ حابارلايدى قازاقپارات ءتىلشىسى.
قۇجاتتا جاڭا وقۋ جىلى باستالعان كەزدە ۆاكسينانىڭ تولىق كومپونەنتىن الىپ ۇلگەرمەگەن ستۋدەنتتەردى وقۋ ورنى ورنالاسقان اۋماقتاعى مەديتسينالىق ۇيىمداردىڭ ەگۋ پۋنكتتەرىندە ۆاكسينالاۋ ۇيىمداستىرۋ كەرەكتىگى ايتىلعان. ال شەتەلدىك ستۋدەنتتەر قازاقستان اۋماعىنا وقۋعا تۇرعىلىقتى ەلدىڭ ۋاكىلەتتى ورگانى راستاعان COVID-19-عا قارسى ۆاكسيناتسيالاۋدىڭ تولىق كۋرسى بولعان جاعدايدا عانا جىبەرىلەدى.
«شەتەلدىك ستۋدەنتتەر قازاقستان رەسپۋبليكاسىنىڭ مەملەكەتتىك شەكاراسىنان وتكەننەن كەيىن 3 تاۋلىكتەن كەشىكتىرمەي پ ت ر ادىسىمەن الىنعان COVID-19-عا تەستىلەۋدىڭ تەرىس ناتيجەسى بار بولعان جاعدايدا كۇندىزگى وقۋ فورماتىنا جىبەرىلسىن»، - دەپ جازىلعان قۇجاتتا.
سونداي- اق، مەديتسينالىق كوللەدجدەر مەن جوعارى وقۋ ورىندارىنىڭ ءبىلىم الۋشىلارىنا كلينيكالىق بازالارعا، رەزيدەنتۋرا بازالارىنا، دەنساۋلىق ساقتاۋ سالاسىنداعى ءبىلىم بەرۋ ۇيىمدارىنىڭ كلينيكالارىنا، ۋنيۆەرسيتەت اۋرۋحاناسىنا، ينتەگراتسيالانعان اكادەميالىق مەديتسينالىق ورتالىققا ۆاكسينالاۋ پاسپورتىمەن راستالعان COVID-19-عا قارسى ۆاكسينالاۋدىڭ تولىق كۋرسى بار بولعان كەزدە كىرۋىنە رۇقسات ەتىلەدى.
اتالمىش قۇجاتتا مەكتەپتەردىڭ بارىندە جاڭا وقۋ جىلى شتاتتىق رەجيمدە باستالاتىنى دا ايتىلعان.
«2021-2022 وقۋ جىلىندا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىندا شتاتتىق فورماتتا وقۋعا رۇقسات ەتىلسىن»، - دەپ جازىلعان قاۋلىدا.