شىعىس قازاقستان وبلىسىنىڭ ۇزدىك اۋىل اكىمى انىقتالدى
ول التاي اۋدانى سيەۆەرنوە اۋىلدىق وكرۋگىن باسقارادى، دەپ حابارلايدى قازاقپارات ءتىلشىسى.
«رۋحاني جاڭعىرۋ» باعدارلاماسى اياسىندا «ۇزدىك اۋىل اكىمى» رەسپۋبليكالىق كونكۋرسى وتكىزىلەدى. وسىعان وراي بايقاۋدا شىعىس قازاقستان وبلىسىنىڭ نامىسىن قورعايتىن اكىم انىقتالدى.
«وڭىرلىك كوميسسيانىڭ قورىتىندى وتىرىسىندا كونكۋرسقا قاتىسۋعا قۇجات تاپسىرعان ۇمىتكەرلەرمەن ونلاين فورماتتا كەزدەسۋ وتكىزىلدى. اكىمدەر وزدەرىنىڭ جوبا جۇمىستارىن قورعاپ شىقتى. كونكۋرسقا قاتىسقان اكىمدەردىڭ ىشىنەن وڭىرلىك كوميسسيانىڭ شەشىمى بويىنشا راۋشان مۇسابولينوۆا جەڭىمپاز دەپ تانىلدى. التاي اۋدانى سيەۆەرنوە اۋىلدىق وكرۋگىنىڭ اكىمى بارلىق سىننان سۇرىنبەي ءوتىپ، ءوزىن تەك جاقسى قىرىنان كورسەتتى»، - دەدى مەملەكەتتىك قىزمەت ىستەرى اگەنتتىگى ش ق و بويىنشا دەپارتامەنتىنىڭ باسپا ءسوز حاتشىسى الماگۇل اسىلعازينا.
ەندى ول قىركۇيەك- قازان ايلارىندا وتەتىن رەسپۋبليكالىق كونكۋرستا ءوڭىر اتىنان باق سىنايتىن بولادى.