ۆاكسينا العان ستۋدەنتتەرگە جاتاقحانا تۇرىپ وقۋعا مۇمكىندىك بەرىلەدى

فوتو: None
نۇر- سۇلتان. قازاقپارات – ق ر باس سانيتار دارىگەرى ەرلان قياسوۆتىڭ جاڭا قاۋلىسى بويىنشا ۆاكسينا العان ستۋدەنتتەرگە جاتاقحانادا تۇرىپ وقۋعا مۇمكىندىك بەرىلەتىن بولدى، دەپ حابارلايدى قازاقپارات ءتىلشىسى.

قاۋلىدا ءبىلىم وشاقتارىنىڭ بارىندە تاماقتانۋ پروتسەسى اسحاناداعى اۋا رەتسيركۋلياتورلارىنىڭ قوندىرعىلارىن قامتاماسىز ەتە وتىرىپ ۇيىمداستىرىلۋى كەرەكتىگى ايتىلعان. ال ۆاكسينا العان ستۋدەنتتەرگە جاتاقحانادا تۇرىپ ءبىلىم الۋعا مۇمكىندىك بەرىلمەك. ءبىراق جاسى 18 گە تولماعان ستۋدەنتتەرگە بۇل تالاپتىڭ قاتىسى جوق.

«بوگدە ادامداردىڭ كىرۋىنە تىيىم سالا وتىرىپ، COVID-19-عا قارسى ۆاكسيناتسيا العان ستۋدەنتتەر جاتاقحاناعا ورنالاستىرىلسىن. 18 جاسقا تولماعان، سونداي- اق تۇراقتى مەديتسينالىق قارسى كورسەتىلىمدەرى بار جانە سوڭعى 3 اي ىشىندە COVID-19 اۋىرىپ ساۋىققان ستۋدەنتتەردى جاتاقحاناعا ورنالاستىرۋعا جول بەرىلەدى»، - دەلىنگەن جاڭا قاۋلىدا.

اتالمىش قۇجاتتا مەكتەپتەردىڭ بارىندە جاڭا وقۋ جىلى شتاتتىق رەجيمدە باستالاتىنى دا ايتىلعان.

«2021-2022 وقۋ جىلىندا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىندا شتاتتىق فورماتتا وقۋعا رۇقسات ەتىلسىن»، - دەپ جازىلعان قاۋلىدا.