تۇرسىنعالي ەدىلوۆ جەڭىلمەگەن قازاق بوكسشى مەن «كانەلو» اراسىنداعى ايقاس جايلى
ول ءۇشىن وتانداسىمىز الدىمەن 12- قىركۇيەكتە گايانالىق اللەن لەننوكستى (22-1-1، 14 ك و) جەڭۋى ءتيىس. ال الۆارەس كەلەسى جەكپە-جەگىندە امەريكالىق كالەب پلانتپەن ايقاسادى. سودان كەيىن WBА ۇيىمى الۆارەسكە تيتۋلىن قورعاۋى ءۇشىن جەكپە-جەك وتكىزۋگە مىندەتتەۋى مۇمكىن. ساۋلدىڭ بولاشاق قارسىلاستارىنىڭ اراسىندا داۆيد موررەل، فەدور چۋدينوۆ جانە ايدوس ەربوسىن ۇلى بار.
وسىعان وراي ەربوسىن ۇلىمەن جۇمىس ىستەگەن جاتتىقتىرۋشى، ۇلتتىق قۇرامانىڭ ەكس-باس باپكەرى تۇرسىنعالي ەدىلوۆ وسى ماسەلە جايىندا Vesti.kz تىلشىسىنە پىكىرىمەن ءبولىستى.
«ايدوس ەربوسىن ۇلىن جاقسى تانيمىن. كەزىندە الماتى وبلىسىندا باسشىلىق قىزمەتتە بولعاندا وبلىستىڭ نامىسىن قورعايتىن. ەگەر ايدوس الۆارەسپەن شىعىپ جاتسا، ءبىرىنشى كەزەكتە ءبىزدىڭ ەل ءۇشىن ۇلكەن ابىروي بولار ەدى. «كانەلونىڭ» قانداي بوكسشى ەكەنىن بۇكىل الەم بىلەدى عوي. دەگەنمەن، ايدوس تا وڭاي شاعىلاتىن جاڭعاق ەمەس. ايدوستىڭ كاسىپقوي بوكستا الەمدىك جۇلدىزدارمەن، سولاردىڭ اراسىندا «كانەلو» الۆارەسپەن جۇدىرىقتاساتىن ۋاقىتى كەلدى. مەكسيكالىقتى ۇتادى نەمەسە ۇتىلادى دەپ ايتا المايمىن. ءبىراق ەربوسىن ۇلى مىقتى قارسىلاس بولا الادى»، - دەيدى مامان.