توعىز وڭىردە اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - قازگيدرومەت ەلىمىزدىڭ توعىز وڭىرىندە اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات.

25-تامىزدا قوستاناي وبلىسىنىڭ سولتۇستىگىندە، سولتۇستىك- باتىسىندا نايزاعاي جارقىلداپ، شىعىستان جەل سوعادى، جەلدىڭ جىلدامدىعى15-20 م/س جەتەدى.

كۇندىز 37 گرادۋس قاتتى ىستىق ساقتالادى. ءوڭىردىڭ، وڭتۇستىگىندە جانە باتىسىندا ءورت قاۋىپى ساقتالادى. اقتوبە وبلىسىندا 37 گرادۋسقا دەيىن اپتاپ ىستىق كۇتىلەدى، وتە جوعارى ءورت قاۋپى ساقتالادى.

باتىس قازاقستان وبلىسىنىڭ سولتۇستىگىندە، سولتۇستىك- باتىسىندا نايزاعاي جارقىلدايدى. كۇندىز 36 گرادۋس ىستىق بولادى. ءورت قاۋپى بار.

قىزىلوردا وبلىسىندا ءورت قاۋپى ساقتالادى. ماڭعىستاۋ وبلىسىنىڭ باتىسىندا، سولتۇستىك- باتىسىندا نايزاعاي جارقىلدايدى. كۇندىز وبلىستىڭ وڭتۇستىگىندە 38 گرادۋس ىستىق ساقتالادى.

اقمولا وبلىسىنىڭ شىعىسىندا نايزاعاي كۇتىلەدى. سولتۇستىك- شىعىستان، شىعىستان جەل سوعادى، ال كۇندىز وبلىستىڭ باتىسىندا جانە شىعىسىندا جەلدىڭ كۇشى 15-20 م/س جەتەدى. ءورت قاۋپى ساقتالادى.

قاراعاندى وبلىسىنىڭ سولتۇستىگىندە، شىعىسىندا، باتىسىندا سولتۇستىك- شىعىستان جەل سوعادى، ەكپىنى 15-20 م/س جەتۋى ىقتيمال.

وبلىستىڭ باتىسىندا نايزاعاي كۇتىلەدى. ال وڭتۇستىك- باتىسىندا ءورت قاۋپى ساقتالادى. سولتۇستىك قازاقستان وبلىسىنىڭ سولتۇستىك- شىعىسىندا نايزاعاي جارقىلدايدى. شىعىستان جەل سوعادى، كۇندىز وبلىستىڭ وڭتۇستىك- شىعىسىندا كۇشى 15-20 م/س. كۇندىز 35 گرادۋس ىستىق بولادى. وبلىستىڭ وڭتۇستىك- باتىسىندا ءورت شىعۋ قاۋپى بار.

اتىراۋ وبلىسىنىڭ وڭتۇستىك- شىعىسىندا نايزاعاي، وڭتۇستىك- باتىس، باتىستان سوعاتىن جەل نايزاعاي كەزىندە 15-20 م/س كۇشەيەدى. كۇندىز 36 گرادۋس ىستىق. ءورت قاۋپى ساقتالادى.