مۇنايعا جاتپايتىن تاۋارلاردىڭ ەكسپورتى وسەدى – ۇ ب
بۇل تۋرالى ۇكىمەت وتىرىسىندا ق ر ۇلتتىق بانك ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.
«قازاقستاننىڭ 2025-جىلعا دەيىنگى ۇلتتىق دامۋ جوسپارىنىڭ ماقساتتارىنا سايكەس، شيكىزاتقا جاتپايتىن ەكسپورتتى ۇلعايتۋ جانە يمپورتقا تاۋەلدىلىكتى تومەندەتۋ بولجامدى كەزەڭ ىشىندە تولەم بالانسىنىڭ اعىمداعى شوتىنىڭ تاپشىلىعىن قىسقارتۋعا ءارى 2026 -جىلى ىشكى جالپى ونىمگە (+)%1,9- عا دەيىن پروفيتسيت ايماعىنا اۋىسۋعا ىقپال ەتەتىن بولادى. تاۋارلار ەكسپورتىنىڭ 2026 -جىلى 80 ميلليارد ا ق ش دوللارىنا دەيىن كەزەڭ- كەزەڭمەن ءوسۋى كۇتىلۋدە. مۇناي ەكسپورتىنىڭ ءوسۋى 2023 -جىلدىڭ ورتاسىنان باستاپ مۇناي ءوندىرۋ كولەمىنىڭ ۇلعايۋىمەن قامتاماسىز ەتىلەتىن بولادى»، - دەدى ە. دوسايەۆ.
ونىڭ ايتۋىنشا، الەمدىك سۇرانىستىڭ بىرتىندەپ قالپىنا كەلۋى، مەتالل باعاسىنىڭ بولجامدى ءوسۋى جانە شيكىزاتقا جاتپايتىن ەكسپورتتى ۇلعايتۋ سالدارىنان مۇنايعا جاتپايتىن ەكسپورت وسەدى.
«تاۋارلار يمپورتى حالىق پەن بيزنەستىڭ تولەم جاساۋعا قابىلەتتى سۇرانىسىنىڭ وسۋىنە، سونداي- اق ءىرى ينۆەستيتسيالىق جوبالاردى ىسكە اسىرۋعا بايلانىستى قالىپتى دەڭگەيدى ۇستاپ وتىرادى. ۇكىمەت، ۇلتتىق بانك جانە قارجى نارىعىن رەتتەۋ جانە دامىتۋ اگەنتتىگى اراسىنداعى 2021-2023 -جىلدارعا ارنالعان ءۇشجاقتى كەلىسىم اياسىندا ىسكە اسىرىلاتىن يمپورتقا تاۋەلدىلىكتى ازايتۋ جونىندەگى شارالار 2026 -جىلى يمپورتتىڭ 43,4 ميلليارد ا ق ش دوللارىنا دەيىن قالىپتى وسۋىنە ىقپال ەتەتىن بولادى»، - دەدى ۇب باسشىسى.
اۆتور: رۋسلان عابباسوۆ