جوعارى وقۋ ورىندارىنا قۇجات قابىلداۋ مەرزىمى ۇزارتىلدى
جوعارى وقۋ ورىندارىنا قۇجاتتاردى قابىلداۋ مەرزىمى 28- تامىزعا دەيىن ۇزارتىلدى. مۇنداي شەشىمدى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتى قابىلدادى.
«تالاپكەرلەرىمىز ءۇشىن بۇل جاقسى جاڭالىق دەپ سانايمىن. بۇل رەتتە قۇجات قابىلداۋ مەرزىمدەرىن ۇزارتۋ بويىنشا كەلىپ تۇسكەن وتىنىشتەر سانى ەسكەرىلدى. ءبىلىم بەرۋ گرانتى يەگەرلەرىنە دە، اقىلى نەگىزدە وقۋدى جوسپارلاپ وتىرعاندارعا دا مۇمكىندىك بەرىلدى»، - دەپ اتاپ ءوتتى ءبىلىم جانە عىلىم ۆيتسە-ءمينيسترى قۋانىش ەرعاليەۆ.
ەستەرىڭىزگە سالا كەتەيىك، بۇعان دەيىن ج و و- عا قابىلداۋ ءۇشىن قۇجاتتاردى 25- تامىزعا دەيىن تاپسىرۋ قاجەت بولاتىن.
ايتا كەتەيىك، ءبىلىم گرانتى يەگەرلەرىنىڭ وتىنىمدەرى eGov.kz. ەلەكتروندى ۇكىمەت پورتالى ارقىلى قابىلدانىپ جاتىر. اقىلى نەگىزدە وقۋ ءۇشىن جوعارى وقۋ ورىندارىنىڭ ۆيرتۋالدىق قابىلداۋ كوميسسيالارىنا جۇگىنۋ قاجەت. ولاردىڭ ءتىزىمى ق ر ب ع م ۇلتتىق تەستىلەۋ ورتالىعىنىڭ سايتىندا ورنالاستىرىلعان.