ونىڭ ايتۋىنشا، اپپارات COVID-19-دىڭ كەز كەلگەن شتامىن بىرنەشە سەكۋندتا ولتىرە الادى. قۇرىلعىنى جاساپ شىعارۋ ءۇشىن 1,5 جىل بويى تەر توككەن.
ارال تاعدىرى وزبەكستاندىق ينجەنەردى دە الاڭداتادى. وليمجون يۋسۋپوۆ قازاقستاندىق ارىپتەستەرىمەن بىرگە تەڭىز تۇبىنەن تارايتىن زياندى زاتتاردى جوياتىن ارنايى قوندىرعى جاساۋعا كىرىسكەن. ءبىراق جوسپارى پاندەميا سالدارىنان توقتاپ قالعانىن ايتادى. ودان كەيىن بار بىلگەنىن كوروناۆيرۋسپەن كۇرەسكە جۇمساپ، COVID-19-دى جوياتىن ارنايى قۇرىلعى جاساپ شىعارعان.
وليمجون يۋسۋپوۆ، ونەرتاپقىش:
- بۇل - بيوگەنەتيك قوندىرعى. وزبەكستان اۋماعىندا كەڭ تاراعان. ءبىز بۇل اپپاراتتى سوڭعى 1,5 جىلدىڭ ىشىندە جاساپ شىعارىپ، بىرنەشە زەرتحانادا سىناقتان وتكىزدىك. كوروناۆيرۋستىڭ كەز كەلگەن شتامىن اۋا كەڭىستىگىندە دە، سۇيىق كۇيىندە دە 100 پروتسەنت جويا الاتىنداي جەتىستىككە جەتتىك. بۇل قوندىرعى ارنايى ەلەكتروندار بولەدى. كەيىن ولار ۆيرۋستى قورشاپ، ر ن ك- سىن جەپ قويادى.
قوندىرعى قاۋىپتى ۆيرۋس تاراعان ءبىر ەمەس، بىرنەشە جەردە سىنالعان ەكەن. ءتىپتى، كوروناۆيرۋس جۇقتىرىپ، اۋرۋحانادا ەم قابىلداپ جاتقان ناۋقاستاردىڭ پالاتالارىنا دا قويىلعان.
«ناتيجەسىندە ادامداردىڭ 3 كۇننىڭ ىشىندە ساۋىعىپ كەتۋىنە سەپتىگىن تيگىزدى»، - دەيدى دارىگەرلەر.
مادينا شاحمۋروۆا، ۆيرۋسولوگ- دارىگەر:
- بۇل اپپاراتتى ءبىز COVID-19 جۇقتىرعان ناۋقاستاردىڭ پالاتاسىنا قويعانبىز. ولار ءۇش كۇننىڭ ىشىندە ءتۇرلى پرەپاراتتاردىڭ عانا ەمەس، ءدال وسى قوندىرعىنىڭ ارقاسىندا اۋرۋىنان قۇلان تازا ايىعىپ شىقتى. ونىڭ ۇستىنە بيوگەنەتيك قۇرىلعىسى قويىلعان زەرتحانالاردا قىزمەتكەرلەردىڭ ۆيرۋس جۇقتىرۋ كورسەتكىشى دە الدەقايدا ازايدى.
تىڭ اپپارات سول باياعى كۆارتس شامدارى نەمەسە اۋانى تازالايتىن قوندىرعىلار سەكىلدى جۇمىس ىستەيدى. «ءبىراق تيىمدىلىگى الدەقايدا جوعارى»، - دەيدى ونەرتاپقىش.
پايداسىنا سەنگەن وزبەكتەر قوندىرعىنى كوپتەگەن زەرتحانالارى مەن مەكەمەلەرىنە ورناتقان. ءبىراق تىڭ اپپارات ءالى حالىقارالىق دارەجەدە سىنالىپ، دالەلدەنبەگەن.