ساراپشىلار الەمدىك تۋريزم قاشان قالپىنا كەلەتىنىن ايتتى
ساياحات جانە تۋريزم كىرىسى 2021 -جىلى 385 ميلليارد دوللارعا جەتەدى، بۇل 2019 -جىلعى كىرىس دەڭگەيىنىڭ جارتىسىنان دا از. مۇنداي بولجامدى امەريكالىق قارجى ساراپشىلارى شىعاردى. بۇل رەتتە 2020 -جىلمەن سالىستىرعاندا تابىس 30 پايىزعا دەرلىك وسەدى دەپ كۇتىلۋدە. بىلتىر پاندەميا كەزىندە تۋريستىك سەكتوردىڭ سانى 60 پايىزعا تومەندەپ، كىرىسى بار بولعانى 298 ميلليارد دوللاردى قۇرادى.
بيىل تۋريستىك جولدامامەن ساياحاتتاۋ 115,7 ميلليارد دوللار اكەلەدى دەپ بولجانۋدا، بۇل 2019 -جىلمەن سالىستىرعاندا 54 پايىزعا از. دەمالىس ءۇيىن جالعا بەرۋدەن تۇسەتىن تابىس 71,1 ميلليارد دوللاردى قۇرايدى، بۇل ەپيدەمياعا دەيىنگى دەڭگەيدەن 15 پايىزعا تومەن. ساياحات جانە تۋريزم سالاسىندا جۇمىس ىستەيتىن كومپانيالاردىڭ سانى 40 پايىزعا ازايدى.
سونداي- اق، ساراپشىلار ا ق ش- تى الەمدەگى ەڭ ءىرى تۋريستىك يندۋستريا دەپ سانايدى. بۇل ەلدىڭ تابىسى 83 ميلليارد دوللارعا جەتەدى، بۇل 2019 -جىلمەن سالىستىرعاندا 62 ميلليارد دوللارعا از.
ەكىنشى ءىرى نارىق - قىتاي. رەسپۋبليكانىڭ كىرىسى 2020 -جىلمەن سالىستىرعاندا 41 پايىزعا ءوسىپ، 82,4 ميلليارد دوللار اكەلەدى دەپ بولجانۋدا. بۇل 2019 -جىلمەن سالىستىرعاندا 37 ميلليارد دوللارعا از. تۋريزم يندۋسترياسى دامىعان كەلەسى ەلدەر - گەرمانيا، جاپونيا جانە ۇلىبريتانيا، سايكەسىنشە 23,8 ميلليارد دوللار، 22,3 ميلليارد دوللار جانە 14 ميلليارد دوللار. بۇل سانداردىڭ بارلىعى پاندەمياعا دەيىنگى كورسەتكىشتەن ەكى ەسە تومەن.
COVID-19 تۋريستىك نارىقتىڭ تاريحىنداعى ەڭ ۇلكەن قۇلدىراۋىنا سەبەپ بولدى. حالىقارالىق شەكارالاردىڭ جابىلۋى جانە كارانتين شەكتەۋلەرى كوپتەگەن تۋريستىك كومپانيا مەن ءقوناقۇيدىڭ جابىلۋىنا اكەپ سوقتى. كوپتەگەن تىيىمنىڭ جەڭىلدەتىلۋىنە جانە شەكارالاردىڭ بىرتىندەپ اشىلۋىنا قاراماستان، تۋريزم سالاسىنداعى جالپى تابىس شىعىنى ءالى دە ۇلكەن. ساراپشىلاردىڭ بولجامى بويىنشا، بۇل سالاداعى جالپى جاعداي 2023 -جىلى تۇزەلىپ، تابىس 738 ميلليارد دوللارعا جەتۋى مۇمكىن.
دەرەككوز:kaz.tengritravel.kz