قازاقستاندا قانداي ماركالى كولىك ءجيى ۇرلانادى

نۇر- سۇلتان. قازاقپارات – ق ر ءى ءى م كريمينالدىق پوليسيا دەپارتامەنتى باستىعىنىڭ ورىنباسارى قانات نۇرماعامبەتوۆ ەلىمىزدە ءجيى ۇرلاناتىن كولىك ماركالارىن اتادى، دەپ حابارلايدى قازاقپارات ءتىلشىسى.

«ەلىمىزدە ءجيى ۇرلاناتىن كولىك ماركالارى - مەرسەدەس، تويوتا، مازدا، ب م ۆ، فولكسۆاگەن جانە لەكسۋس»، - دەدى قانات نۇرماعامبەتوۆ ىشكى ىستەر مينيسترلىگىنىڭ باسپا ءسوز الاڭىندا وتكەن بريفينگ بارىسىندا ب ا ق وكىلدەرىنىڭ ساۋالىنا وراي.

ونىڭ دەرەگىنشە، قابىلدانعان ءىس- شارالاردىڭ ناتيجەسىندە بيىل كولىك ۇرلىعىنىڭ 13,3، ال كولىكتى ايداپ كەتۋ قىلمىستارىنىڭ 17,8 پايىزعا تومەندەگەنى بايقالادى.

جىل باسىنان بەرى اۆتوكولىك ۇرلاعانى ءۇشىن 749 ادام، ونىڭ ىشىندە 17 قىلمىستىق توپ ۇستالدى.