پرەزيدەنت قازاقستان پوليسياسىنىڭ دايىندىعىنا باعا بەردى
بۇل تۋرالى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.
«قايسار-2021» جەدەل- تاكتيكالىق وقۋ- جاتتىعۋى قازاقستان رەسپۋبليكاسى ءىىم ۇلتتىق ۇلانى بولىمشەلەرىنىڭ الماتى وبلىسىنداعى جاۋىنگەرلىك جانە ادىستەمەلىك دايىندىق ورتالىعى بازاسىندا ءوتتى. ىشكى ىستەر ءمينيسترى ىشكى ىستەر ورگاندارىنىڭ قوعامدىق قاۋىپسىزدىكتى قامتاماسىز ەتۋ جونىندەگى مىندەتتەردى ورىنداۋعا ازىرلىگىنىڭ جاي- كۇيى تۋرالى بايانداپ، قولدانىلاتىن ارنايى، اسكەري تەحنيكا مەن قارۋ- جاراقتىڭ ۇلگىلەرىن ۇسىندى»، - دەدى رەسمي وكىل.
ونىڭ اتاپ وتۋىنشە، ءىس- شارا بارىسىندا مەملەكەت باسشىسىنا جاتتىعۋ جۇيەلەرى، سكالودروم، وقۋ ورتالىعىنىڭ مۋلتيمەديا ءتيرى، سونداي- اق قىزمەتكەرلەردى ارنايى دايارلاۋ ەلەمەنتتەرىمەن كورنەكى قويىلىمدار كورسەتىلدى.
«مەملەكەت باسشىسى ىشكى ىستەر مينيسترلىگى كۇشتەرىنىڭ داعدارىستىق جاعدايلاردىڭ جولىن كەسۋ جونىندەگى مىندەتتەردى ءتيىمدى شەشۋگە ازىرلىگىنە وڭ باعا بەردى. ول پوليتسيا قىزمەتكەرلەرى مەن اسكەري قىزمەتشىلەردىڭ بىلىكتىلىگىن ارتتىرۋ ءۇشىن وزىق حالىقارالىق تاجىريبەنى مۇقيات زەرتتەپ، قولدانۋ قاجەتتىگىن اتاپ ءوتتى»، - دەدى ءنۇردىلدا وراز.