تيك توك جۇلدىزىنا اينالعان اۆتوبۋس جۇرگىزۋشىسىنىڭ ۆيدەوسىن پوليتسيا تەكسەرەدى
قاراعاندى پوليتسيا قىزمەتكەرلەرى قوعامدىق كولىكتە ءجيى ۆيدەو تۇسىرەتىن بلوگەر، №43-اۆتوبۋسىنىڭ جۇرگىزۋشىسى ايدوس ارينوۆتىڭ ۆيدەولارىن تەكسەرمەك.
وعان قاراعاندىلىقتاردىڭ جۇرگىزۋشىگە شاعىمى سەبەپ بولعان. ولار ارينوۆ جولاۋشىلار تاسىمالى ەرەجەلەرىن ءجيى بۇزاتىنىن جانە اتا-انانىڭ رۇقساتىنسىز بالالاردىڭ سۋرەتىن Instagram جانە Tik-Tok-تاعى پاراقشاسىنا جۇكتەيتىنىن ايتقان. سونداي-اق، ونىڭ كولىك جۇرگىزىپ بارا جاتىپ ۆيدەو تۇسىرەتىنى جانە قاۋىپسىزدىك بەلدىگىن تاقپاۋى پوليتسەيلەردىڭ نازارىن اۋداردى.
«قازىرگى ۋاقىتتا بۇل ۆيدەونى جەرگىلىكتى پوليتسيا قىزمەتى باسقارماسىنىڭ قىزمەتكەرلەرى زەرتتەپ جاتىر. ناتيجەلەرى قوسىمشا حابارلانادى»، - دەدى قاراعاندى وبلىسى پ د باسپا ءسوز قىزمەتى وكىلى.
ايدوس ارينوۆتىڭ بەينەجازبالارىنا قاراعاندى ت ك ش، جولاۋشىلار كولىگى جانە اۆتوموبيل جولدارى ءبولىمىنىڭ وكىلدەرى دە تۇسىنىك بەردى.
«اۆتوبۋس پاركى باسشىلىعىنا جۇرگىزۋشىمەن ءتۇسىندىرۋ جۇمىستارىن جۇرگىزۋ قاجەت ەكەنى تۋرالى جەتكىزىلدى. بولاشاقتا مۇنداي جاعدايلار قايتالانباۋىن ەسكەرتۋ قاجەت. سونداي-اق، كاسىپورىن باسشىلىعى جۇرگىزۋشىگە اۆتوبۋستىڭ ۇستىندە بيلەگەن ۆيدەوسىنا ەسكەرتۋ جاسادى»، - دەپ حابارلادى ۆەدومستۆوداعىلار.