الماتىنىڭ تاۋ بوكتەرىنەن ءورت شىقتى

الماتى. قازاقپارات - قالادا وتشاشۋ ۇيىمداستىرۋ سالدارىنان تاۋ بوكتەرىنەن ءورت شىقتى، دەپ حابارلايدى قازاقپارات.

الماتى قالاسىنىڭ توتەنشە جاعدايلار دەپارتامەنتىنىڭ حابارلاۋىنشا، ءورت 21-تامىز كۇنى قالاداعى دۋلاتي كوشەسىندە، ەكوكوپىردەن جوعارى ورنالاسقان المااراسان شاتقالىندا ورىن العان.

وقيعا ورنىنا الماتى قالالىق توتەنشە جاعدايلار دەپارتامەنتى تابيعي ءورتتى ءسوندىرۋ جاساعى، سونداي- اق ىلە الاتاۋى ۇلتتىق ساياباعىنىڭ قىزمەتكەرلەرى جىبەرىلدى. تاۋ بوكتەرىنىڭ بيىك بولۋ سەبەپتى ءورت سوندىرۋشىلەر ءورت وشاعىنا جاياۋ باردى. وقيعا ورنىنا كەلىپ جەتكەندە، ونداعى قۋراعان ءشوپ، بۇتا ورتەنىپ جاتقانى انىقتالدى. قولدانعان شارالاردىڭ ارقاسىندا جالىن ءبىر ساعاتقا جەتپەي، ياعني ساعات 20:54-تە ءسوندىرىلدى، ءورت 5 شارشى مەتر اۋماققا تاراعان. ونىمەن كۇرەس جۇمىستارىنا ىلە الاتاۋى ۇلتتىق ساياباعىنىڭ 24 قىزمەتكەرى، 4 تەحنيكا بىرلىگى، ت ج د جەكە قۇرامىنىڭ 25 قىزمەتكەرى مەن 5 تەحنيكاسى جۇمىلدىرىلعان. كۋاگەرلەردىڭ ايتۋىنشا، ءورتتىڭ شىعۋىنا ءبىر توپ دەمالۋشىنىڭ وتشاشۋ ۇيىمداستىرۋى سەبەپ بولۋى ابدەن مۇمكىن. ولار وقيعا ورنىنان قاشىپ كەتكەن.

«ءورت بولعان ورىننان بىرنەشە شاقىرىم جەردە ساليۋت جىبەرىلگەنى بايقالدى، وقيعا ورنىنا ت ج د مەن ۇلتتىق ساياباقتىڭ قىزمەتكەرلەرى جىبەرىلدى. ق ر اكىمشىلىك قۇقىقبۇزۋشىلىقتار تۋرالى كودەكسىنىڭ 367-بابىنىڭ 3-بولىمىنە سايكەس، ەرەكشە قورعالاتىن تابيعي اۋماقتاردا ءورت قاۋىپسىزدىگى ەرەجەلەرىنىڭ تالاپتارىن بۇزعانى ءۇشىن 35 جاستاعى ەر ادام 100 ا ە ك ( 291700 تەڭگە) كولەمىندە ايىپپۇل تولەۋ تۇرىندەگى اكىمشىلىك جاۋاپكەرشىلىككە تارتىلدى»، - دەپ ءتۇسىندىردى قالالىق ت ج د- دان.