اتىراۋدا لوتوس گۇلدەدى
عاجايىپ گۇلدىڭ اقۋىزى بۇيرەك پەن كوكباۋىرعا پايدالى ەكەنى عىلىمدا دالەلدەنگەن. ال- قىزىل القاپ بۇگىندە قيعاش وزەنىنىڭ 5 گەكتارىن الىپ جاتىر. عاجايىپ كوركىمەن، حوش يىسىمەن، ايدىن بەتىن باققا اينالدىرعان ونىڭ ادەمىلىگىنە ءسوز جەتپەيدى. ءبىر عاجابى، ول شىلدە ايىنىڭ ورتاسىنان باستاپ تامىز ايىنىڭ سوڭىنا دەيىن جايقالىپ ءوسىپ، ارتىنشا كوز تارتار سۇلۋلىعىن قاۋىزىنا جيىپ الادى.
ايتقانداي، بۇرىن رەسەي مەن گرۋزيادان، ءتىپتى الىس شەتەلدەردەن تۋريستەر ۇزىلمەيتىن. ءبىراق بيىل پاندەمياعا بايلانىستى كىسى قاراسى از. دەگەنمەن جەرگىلىكتى تۇرعىندار تابيعاتتىڭ وسىناۋ عاجايىپ سىيىن تاماشالاۋدى داستۇرگە اينالدىرعان.
تىلەكقابىل عۇماروۆ، قالا تۇرعىنى:
- قىزىقتاپ كەلىپ، دەمالىپ تۇرامىز. قيعاش وزەنىنىڭ بويىمەن جان- جاقتان تۋريستەر كەلىپ جاتادى. ءبىراق ءبىر بايقاعانىم، جىلدان جىلعا سۋ ازايىپ بارا جاتىر. سۋ ازايعان سايىن بۇل جەرگە قايىقپەن كەلۋ قيىن. تابيعاتتىڭ ەرەكشە سىيىن ءبىز باعالاۋىمىز كەرەك. ونى ۇرپاققا قالدىرۋ كەرەك. تۋريستەر قينالماي كەلەتىن جول سالىنسا كەرەمەت بولار ەدى.