جالعان پاسپورت العان ادامدارعا ۆاكسينا اقىلى بولا ما
ورتالىق كوممۋنيكاتسيالار قىزمەتىندە ۆاكسينا پاسپورتتارىن ساتىپ العان ادامدارعا امنيستيا جاساۋعا قاتىستى سۇراق قويىلدى.
«قازىرگى كەزدە ازاماتتىق قوعام وسىنداي ماسەلەنى كوتەرىپ وتىر. ساراپشىلار ونىڭ بارلىعىن پىسىقتاپ جاتىر. مەديتسينا قىزمەتكەرلەرى تاراپىنان زاڭنامانى بۇزۋ بويىنشا لايىقتى جازا بولۋى كەرەك. قازىرگى كەزدە اتالعان زاڭ بۇزۋشىلىقپەن قاتاڭ كۇرەس ءجۇرىپ جاتىر. بىزدە ونداي فاكتىلەر (جالعان پاسپورتتاردى ساتىپ الۋ) ازايىپ كەلەدى. ونداي وقيعالار بويىنشا قىلمىستىق ىستەر قوزعالدى. ەندى ازاماتتاردى ۆاكسينالاۋمەن قامتۋدىڭ قادامدارىن ايقىنداپ جاتىرمىز. ياعني زاڭنامالىق ماسەلەلەردى پىسىقتاپ وتىرمىز. اتاپ ايتقاندا، جاۋاپكەرشىلىك بولۋى كەرەك. كەيبىر ادامداردى وزگە بىرەۋلەر شاتاستىرۋى مۇمكىن، ولار قازىر وزدەرىنىڭ كوزقاراسىن وزگەرتىپ جاتىر. ازاماتتار ۆاكسينانىڭ پايداسىن كورىپ وتىر»، - دەدى ا. سوي.
ونىڭ ايتۋىنشا، انىقتالعان فاكتىلەر بويىنشا قىلمىستىق ىستەر جۇرگىزىلىپ جاتىر. ءباسپاسوز ءماسليحاتىندا تىلشىلەر «ۆاكسينالاۋ پاسپورتتارىن ساتىپ العاندار الداعى ۋاقىتتا ەكپەنى ءوز قارجاتىنا ساتىپ الا ما» دەگەن سۇراق قويدى.
«بۇل قادامداردى ايقىنداپ جاتىرمىز، ياعني ونىڭ فورماتى پىسىقتالۋدا. زاڭ اياسىنداعى ماسەلەلەردى شەشكەن كەزدە، وسى قادامداردى حالىققا جاريا ەتەمىز»، - دەدى مينيستر.