ايبەك سمادياروۆ اۋعانستانداعى قانداستاردى ەلگە اكەلۋ جۇمىسى قانداي ساتىدا تۇرعانىن ايتتى
«قازىر بۇكىل دۇنيەءجۇزى اۋعانستانداعى جاعدايدى باقىلاپ وتىر. سوندىقتان، ناقتى وسىنداي كەلىسسوزدەر بولادى، وسىنداي شەشىمدەر بولادى دەپ ايتا المايمىز. ارينە، پرەزيدەنتتىڭ تاپسىرماسى بويىنشا ءبىزدىڭ ەلشىلىك قانداستارمەن بايلانىستا وتىر. بۇكىل اقپارات تەكسەرىلىپ جاتىر. مۇنداي كەزدەردە نەشە ءتۇرلى تەكسەرىلمەگەن اقپارات كوپ بولادى. سوندىقتان كىشكەنە شىدامدى بولۋ كەرەك. بۇل ءبىر كۇندىك جۇمىس ەمەس. تالىپتەر بولا ما، باسقالار بولا ما، قانداي ۇكىمەت كەلەدى، سول ۇكىمەتپەن بۇل ماسەلە بويىنشا كەيىن كەلىسوزدەر جۇرگىزەمىز»، - دەدى س ءى م وكىلى.
بۇعان دەيىن ق ر سىرتقى ىستەر ءمينيسترىنىڭ ورىنباسارى اقان راحمەتۋللين تالىپتەرمەن ديپلوماتيالىق بايلانىس ورناتۋ مۇمكىندىگى تۋرالى پىكىر بىلدىرگەن بولاتىن.
«ەلشىلىكتىڭ اقپاراتى بويىنشا، تاليباندىقتار كابۋلعا كىرگەن كەزدە ءبىر بولىگى ءبىزدىڭ ەلشىلىك ورنالاسقان اۋماقتى باسىپ العان. بۇل كەزدە پوليتسيا كابۋلدى تاستاپ شىققان بولاتىن. ءبىزدىڭ ەلشى سىرتقا شىعىپ، تاليبان وكىلدەرىمەن سويلەسكەن. ولار ەلشىدەن كىم ەكەنىن سۇراعان. ول بۇل مەكەمە قازاقستان ەلشىلىگى ەكەنىن ايتقان.
«ەشتەڭەدەن قورىقپاڭىزدار. بۇرىن قالاي جۇمىس ىستەسەڭىزدەر، سولاي جۇمىس ىستەي بەرىڭىزدەر. سىزدەردى ءبىز كۇزەتىمىز»، - دەگەن ەكەن. سودان بەرى ءبىزدىڭ ەلشىلىك سولاردىڭ كۇزەتىندە. ازىرگە بايلانىس وسىنداي دەڭگەيدە عانا»، - دەدى سىرتقى ىستەر ءمينيسترىنىڭ ورىنباسارى.
اۆتور: ەسىمجان ناقتىباي