تاليبان: اۋعانستان دەموكراتيالىق مەملەكەت بولمايدى
14:40, 19 - تامىز 2021
نۇر- سۇلتان. قازاقپارات - «تاليبان» قوزعالىسى اۋعانستاننىڭ دەموكراتيالىق ەل بولمايتىنىن جانە مەمكەلەتتىڭ شاريعات زاڭى بويىنشا ءومىر سۇرەتىنىن مالىمدەدى، دەپ حابارلايدى «حابار 24».
تالىپتەردىڭ وكىلى ۆاحيدۋللا حاشيميدىڭ ايتۋىنشا، ەلدى ارنايى قۇرىلعان كەڭەس باسقاراتىن بولادى. جاڭا بيلىكتىڭ ءدىني كوشباسشىسى رەتىندە تالىپتەردىڭ باسشىسى حايباتۋللا احۋندزادا تاعايىندالماق. سونىمەن قاتار ولار جاڭا قارۋلانعان كۇش جاساقتاماق. وعان بۇرىنعى ۇكىمەت اسكەرىنىڭ ساربازدارى مەن وفيتسەرلەرىنە كىرۋگە ۇسىنىس جاسالىپ وتىر.
ۆاحيدۋللا حاشيمي، «تاليبان» قوزعالىسىنىڭ وكىلى:
- ساربازداردىڭ كوبى اسكەري دايىندىقتى تۇركيا، گەرمانيا مەن انگليادا وتكەن. ولاردىڭ ءوز قىزمەتىنە كىرىسۋ ءۇشىن كەلىسسىز جۇرگىزىپ جاتىرمىز. ارينە، اسكەر قاتارىندا وزگەرىستەر بولادى. رەفورما جۇرگىزەمىز.