باقىتتى عۇمىر كەشۋدىڭ جەتى قۇپياسى

فوتو: None
نۇر-سۇلتان. قازاقپارات –باقىتتى عۇمىر كەشۋ ءۇشىن نەنى ءبىلۋ كەرەك؟ 105 جىل ءومىر سۇرگەن جاپونيالىق دانىشپان شيگەاكي حينوحارانىڭ باقىتتى ءومىر تۋرالى جەتى كەڭەسىن ۇسىنامىز.

كوپ قۋانۋ كەرەك

قۋانىشتى سەزىم ادامعا ۇيقى مەن تاماققا قاراعاندا كوبىرەك باقىت اكەلەدى. حينوحورانىڭ ايتۋىنشا، ادام كۇش قۋاتتى تاماقتان دا ۇيقىدان دا المايدى، كۇش قۋات ادام بويىنا قۋانىش ارقىلى بەرىلەدى. ەستەرىڭىزدە مە بالالىق شاعىمىزدا ءبىز قۋانعان كەزدە تاماق جەۋدى ۇمىتىپ كەتەتىنبىز، ۇيقى دا بىزگە كەرەك ەمەس بولاتىن. ۇلكەندەردە دە ءدال سولاي. ءوز دەنەڭدى مولشەردەن تىس تاماق جەپ نەمەسە ۇزاق ۋاقىت ۇيىقتاپ قالجىراتۋدىڭ قاجەتى جوق.

دۇرىس تاماقتانا ءبىل

بۇل ادامنىڭ ۇزاق ءومىر ءسۇرۋىنىڭ سىرى - تاماقتى ورىندى ءىشۋ. تاڭعى اسقا ءبىر شىنىاياق كوفە، ءسۇت نەمەسە اپەلسين شىرىنى جانە دە ءزايتۇن مايى - مىنە وسى بارلىق تاڭعى اسىڭ. تۇسكى اسقا ازىراق تاماق جەۋگە بولادى نەمەسە مۇلدەم تۇسكى استى وتكىزىپ جىبەرسەڭ دە ەشتەڭە جوعالتپايسىڭ. ەگەر سەن وتە ماڭىزدى جۇمىس ىستەپ وتىرساڭ تۇسكى اس ساعان كەرەك ەمەس.

كەشكى اسقا جەمىس- جيدەك، بالىق جانە كۇرىش. ەت جەۋدەن ءبىراز ۋاقىتقا باس تارتۋ كەرەك، اپتاسىنا 100 گرامم تولىققاندى جەتۋى ءتيىس.

الدىن الا جوسپارلاي ءبىل.

وزىڭە جەكە قويىن داپتەر الىپ، ىشىنە بولاشاققا جوسپار قۇرىپ جازىپ ءجۇرىڭىز. ماتەريالدىق جاعىڭدى ويلاۋدى ۇيرەن. اسىرەسە، بولاشاعىڭدى ويلاۋ كەزىندە، وتكەنگە ورالا بەرىپ قيىندىقتاردى ەسكە العاننان پايدا جوق.

بىلگەنىڭمەن ءبولىس

شيگەاكي حينوحورا جىلىنا 150 لەكسيا وتكىزىپ وتىرعان. ءارقايسىسىن جارتى ساعاتتان وتكىزگەن جانە وسى ۋاقىت بويى ول تۇرىپ تۇرعان.

ءوز-ءوزىڭدى اياما

فيزيكالىق جاتتىعۋلاردى سپورتزالدا عانا ورىنداۋ مىندەتتى ەمەس. جاياۋ ءجۇرۋ، ۆەلوسيپەد، ليفتتىڭ ورنىنا باسپالداقپەن كوتەرىلۋ - بۇل تۇك ىستەمەۋدەن ازدا بولسا جاقسى. ديۆان ەڭ قاۋىپتى جاۋ، دەمالعاندا دا قيمىلداۋ كەرەك. ءوزىنىڭ 105 جاسىندا حينوحارا بىردەن ەكى باسپالداقتى اتتاپ ءوزىنىڭ بۇلشىق ەتتەرىن ءاردايىم قيمىلداتىپ جۇرگەن.

سىرقات - ول ۇكىم ەمەس

اۋىرۋحانالاردا قۋانارلىق نارسەلەر كوپ بولۋى كەرەك. ءان، بي، ءۇي جانۋارلارى. قۋانىش سيلاۋ كوپتەگەن دارىلەرلەرگە قاراعاندا كومەگى زور بولادى. ءبىر جەرىڭ اۋىرىپ تۇرسا بىردەن كوڭىلىڭدى باسقا جاققا اۋدارۋعا تىرىس، سوندا عانا سەن اۋىرۋ جايلى ۇمىتىپ كەتەسىڭ.

قۇندىلىقتارىڭدى قايتا باعالا

ادام ماتەريالدىق بايلىقتى قۋۋ جولىندا باستى زاتتاردى ۇمىتا باستايدى. مىسالى، ماحاببات، قامقورلىق، كىشىپەيىلدىلىك سەكىلدى دۇنيەلەر. وسى جاعدايعا قاتىستى دانىشپاننىڭ «ەستەرىڭىزدە بولسىن: ەشكىم ءوزىنىڭ ۋاقىتى قاشان كەلەتىن ەشكىم بىلمەيدى. وزىڭمەن بىرگە مىنا ومىردەن ەشنارسە الىپ كەتە المايسىڭ»، - دەگەن ءسوزى ءدال ايتىلعان.