ەلوردا اۋەجايىندا ەرەكشە ينستاللياتسيالار قويىلدى
اۋەجايدا قويىلعان 16 ينستاللياتسيانىڭ ءارقايسىنىڭ وزىندىك ماعىناسى بار. جانە ول ءۇش تىلدە (قازاق، ورىس، اعىلشىن) جازىلىپ كورسەتىلگەن.
«2015 -جىلى ب ۇ ۇ سامميتىندە ادامزاتتىڭ 17 تۇراقتى دامۋ ماقساتى ازىرلەندى. جانە سول ماقساتتارعا بىرگە جەتۋ ءۇشىن 193 ەلدىڭ كوشباسشىلارى كەلىسىمگە كەلدى. ونىڭ قاتارىندا ەكولوگيالىق پروبلەمالار، كليماتتىڭ جاھاندىق وزگەرۋى، الەۋمەتتىك جانە گەندەرلىك تەڭسىزدىك، XX عاسىردىڭ اياعى مەن XXI عاسىردىڭ باسىندا ەلدەر، كورپوراتسيالار مەن ادامدار شيەلەنىسە تۇسكەن جۇيەلى داعدارىستار مەن جاھاندىق سىن- تەگەۋرىندەر تاعى سول سياقتى. تۇراقتى دامۋ قورشاعان ورتا مەن رەسۋرستاردى ساقتاي وتىرىپ، بولاشاق ۇرپاقتىڭ قاجەتتىلىكتەرىن قاناعاتتاندىرۋ»، - دەدى ەكونوميكالىق زەرتتەۋلەر ينستيتۋتى ا ق باسقارما ءتوراعاسىنىڭ ورىنباسارى باۋىرجان مۇقان اشىلۋ سالتاناتىندا.
ونىڭ ايتۋىنشا، ادامزاتتىڭ تۇراقتى دامۋىندا 3 نەگىزگى تەپە-تەڭدىك ساقتالۋى ءتيىس، ول ەكونوميكالىق ءوسۋ، الەۋمەتتىك جاۋاپكەرشىلىك جانە ەكولوگيالىق تەپە-تەڭدىك.
«تۇراقتى دامۋ ءبىزدىڭ ءومىرىمىزدىڭ ءبىر بولىگى جانە ول ماقساتتا حالىقارالىق ۇيىمدار مەن ەلدەر عانا ەمەس ءاربىر ادام جاۋاپتى. ءبىزدىڭ بۇگىنگى ءۇش جاقتى ىنتىماقتاستىعىمىز ياعني ەكونوميكالىق زەرتتەۋلەر ينستيتۋتى، قازاقستانداعى ب ۇ ۇ دامۋ داعدارلاماسى جانە نۇرسۇلتان نازاربايەۆ حالىقارالىق اۋەجايىنىڭ بىرلەسكەن بۇل جوباسى سونىڭ دالەلى. نازار اۋدارساڭىزدار، الدارىڭىزدا 16 ينستاللياتسيا تۇر، ال 17-ماقسات وسى تۇراقتى دامۋدى جۇزەگە اسىراتىن ول ادام ياعني ءبىز»، - دەيدى ول.
ۇيىمداستىرۋشىلاردىڭ مالىمدەۋىنشە، ادامداردى قورشاعان ورتا پروبلەماسىنا نازارعا اۋدارۋعا شاقىرعان يگى شارا ەل تاۋەلسىزدىگىنىڭ 30 جىلدىعى، ەكونوميكالىق زەرتتەۋلەر ينستيتۋتىنىڭ 60 جىلدىعى جانە ەلوردا اۋەجايىنىڭ 90 جىلدىعىنا ارنالىپ وتىر.
«ءبىز زاماناۋي جاھاندانۋدىڭ ەكولوگياعا زيان كەلتىرىپ جاتقانىنا بەي- جاي قاراي المايمىز. وسى ورايدا ماسەلەدەن تىس قالماۋدى ءجون كوردىك. ءبىزدىڭ مەكەمەنىڭ ەكولوگيالىق كودەكسى بار جانە ءبىز ونى ساقتايمىز. ياعني قورشاعان ورتا ماسەلەسىن شەشۋگە باعىتتالعان باستامالاردى قۋانا قولدايمىز. ادامزاتتىڭ تۇراقتى دامۋىنىڭ ماقساتتارىنا ارنالعان وسى كورمەنى بىزدە وتكىزۋگە بىردەن كەلىسىمىمىزدى بەردىك. وسى ينستاللياتسيالاردى كورگەن اۋەجاي جولاۋشىلارى ادامزاتتىڭ بولاشاق دامۋىنا دەگەن كوزقاراسىن وزگەرتەدى دەگەن ويدامىز»، - دەدى نۇرسۇلان نازاربايەۆ حالىقارالىق اۋەجايى ا ق باسقارما ءتوراعاسىنىڭ ءبىرىنشى ورىنباسارى داۋلەت حامزين.