قىرعىزستاننىڭ سىرتقى ىستەر ءمينيسترى توقايەۆقا العىس ايتتى

نۇر-سۇلتان. قازاقپارات - قازاقستان رەسپۋبليكاسى پرەمەر-ءمينيسترىنىڭ ورىنباسارى – ق ر سىرتقى ىستەر ءمينيسترى مۇحتار تىلەۋبەردى قىرعىز رەسپۋبليكاسىنىڭ سىرتقى ىستەر ءمينيسترى رۋسلان كازاكبايەۆپەن تەلەفون ارقىلى سويلەستى، دەپ حابارلايدى قازاقپارات س ءى م سايتىنا سىلتەمە جاساپ.

ر. كازاكبايەۆ اۋعانستاننان 14 قىرعىز ازاماتىن، سونىڭ ىشىندە ولاردىڭ ديپلوماتتارىن قايتارۋعا باۋىرلاس كومەك كورسەتكەنى ءۇشىن ق ر پرەزيدەنتى قاسىم-جومارت توقايەۆقا جانە ق ر ۇكىمەتىنە العىسىن ءبىلدىردى. مينيسترلەر ا ي ر-داعى احۋالدىڭ دامۋىن مونيتورينگىلەۋ بويىنشا تىعىز ءوزارا ءىس-قيمىل جاساۋ جانە جەدەل ماسەلەلەردى شەشۋدەگى ودان ءارى بىرلەسكەن شارالار تۋرالى ۋاعدالاستى.

ەسكە سالا كەتسەك، قازاقستان اسكەري ۇشاقپەن اۋعانستاننان 42 ادامدى ەۆاكۋاتسيالادى. وسى بورتتا قازاقستاندىقتارمەن بىرگە 14 قىرعىزستان ازاماتى بولدى.