الەكسەي سوي ەل تۇرعىندارىنا ۇندەۋ جاسادى

نۇر- سۇلتان. قازاقپارات - كەيبىر ازامات ۇيدە وقشاۋلانۋ رەجيمىن ساقتاماي وتىر. بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ءمالىم ەتتى، دەپ حابارلايدى قازاقپارات ءتىلشىسى.

«مونيتورينگ توپتار كارانتيندىك ءىس- شارالاردىڭ ساقتالۋىن باقىلاۋدى جالعاستىرۋدا. سوڭعى 2 اپتاداعى ساراپتاماعا سايكەس، رەيد جۇرگىزۋ 16 پايىزعا ارتىپ، بۇزۋشىلىقتارعا جول بەرگەن نىساندار سانى 1,2 ەسەگە ءوستى. اقتوبە، باتىس قازاقستان، قىزىلوردا، قاراعاندى وبلىستارىندا نىسانداردى رەيد شارالارىنىڭ كورسەتكىشى تومەندەگەنى بايقالاتىندىعىن اتاپ وتكىم كەلەدى»، - دەدى مينيستر.

ونىڭ اتاپ وتۋىنشە، مونيتورينگ توپتارى «Ashyq» جوباسىنا قاتىساتىن نىسانداردىڭ دا كارانتيندىك ءىس- شارالاردى ساقتاۋىنا باقىلاۋ جۇرگىزەدى. «Ashyq» جوباسى اياسىندا مونيتورينگ توپتارى 60473 نىساندى تەكسەرىپ، 1183 نىسانداعى ەرەجە بۇزۋشىلىقتى انىقتاپ وتىر.

«بۇعان قوسا، «Ashyq» ەنگىزىلگەن ساتتەن بەرى 46067 «قىزىل» جانە «سارى» مارتەبەسى بار كەلۋشى انىقتالدى. ولاردىڭ 29930 ى پ ت ر- ءدىڭ وڭ ناتيجەسىمەن جۇرسە، 16137 ءسى بايلانىستا بولعان. وكىنىشكە وراي بۇل ستاتيستيكا كەيبىر ازامات ۇيدە وقشاۋلانۋ رەجيمىن ساقتامايتىندىعىن، تۇرعىندار جاپپاي جينالاتىن نىساندارعا بارۋعا تىرىساتىندىعىن، ەل ىشىندە ساپارلايتىندىعىن، سول ارقىلى توڭىرەگىندەگىلەرگە جۇقتىرۋ قاۋپىن توندىرەتىندىگىن كورسەتەدى. توڭىرەگەندەگىلەرگە ءقاۋىپ توندىرەتىن ازاماتتاردان ازاماتتىق جاۋاپكەرشىلىك تانىتۋعا جانە ۆيرۋستىڭ تارالۋىنا ءوز ۇلەسىن قوسپاۋعا وتىنەمىن»، - دەدى الەكسەي سوي.