رونالدۋعا «مانچەستەر سيتي» ۇسىنىس جاسادى
«يۋۆەنتۋس» 30 ميلليون ەۋروعا پورتۋگالدىقپەن قوشتاسۋعا دايىن ەكەنى ايتىلدى. بۇعان فۋتبولشىنىڭ كەلىسىمشارتى ءبىر جىلدان كەيىن اياقتالۋى سەبەپ. سونىمەن قاتار RMC Sport جۋرناليسى لويك تانزي رونالدۋدىڭ جازدا «پاري سەن- جەرمەنگە» اۋىسپايتىنىن ايتادى. دەرەككوزدىڭ ايتۋىنشا، ءتىپتى كيليان مباپپە پاريج كلۋبىنان كەتسە دە، پورتۋگالدىق جازعى ترانسفەرلىك تەرەزەگە اۋىساتىن نۇسقا ءالى قارالماعان. بۇعان دەيىن «يۋۆەنتۋس» وسى جازدا رونالدۋدى ساتۋدى ءالى دە جوسپارلاپ جاتقانى حابارلانعان بولاتىن.
تۋريندىك كلۋب باسشىلىعى ونىڭ كەتۋى كوماندانىڭ جاعدايىنا وڭ اسەر ەتۋى مۇمكىن دەپ ەسەپتەيدى. نەگىزگى ماسەلە - رونالدۋعا ۇسىنىستاردىڭ بولماۋى. ەۋروپاداعى ترانسفەرلىك تەرەزە 31-تامىزعا دەيىن اشىق.
ەسكە سالايىق، رونالدۋ 2018 -جىلدان بەرى تۋريندىك «يۋۆەنتۋس» ساپىندا ونەر كورسەتەدى. 36 جاستاعى پورتۋگالدىق فورۆارد 29 گول سوعىپ وتكەن ماۋسىمدا يتاليا چەمپيوناتىنىڭ ءبومبارديرى اتاندى. رونالدۋدىڭ يتالياندىق كلۋبپەن قازىرگى كەلىسىمشارتى 2022 -جىلدىڭ 30-ماۋسىمىنا دەيىن.