ۆاكسينا پاسپورتىن ساتىپ العاندارعا راقىمشىلىق جاساۋ ماسەلەسى تالقىلانىپ جاتىر
بۇل تۋرالى الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنبايەۆ ءمالىم ەتتى، دەپ حابارلايدى قازاقپارات ءتىلشىسى.
«دەنساۋلىق ساقتاۋ مينيسترلىگىندە جالعان ۆاكسينا پاسپورتىن العاندارعا قاتىستى راقىمشىلىق جاساۋ ماسەلەسى قارالىپ جاتىر. ولاردىڭ مەملەكەت قارجىسىنا جەكەشە زيان كەلتىرىپ جاتقانىن ءبىز دە تۇسىنەمىز. سوندىقتان بۇعان جەڭىل قاراۋعا بولمايدى. ول ادام قاتەلىگىن مويىنداپ، ۆاكسينا العىسى كەلسە دە ءدال قازىر ەكپە سالدىرا المايدى. سەبەبى بازادا ولاردا ۆاكسينا الدى دەپ تۇر»، - دەيدى ناريمان تابىنبايەۆ.
جانداربەك بەكشين جالعان ۆاكسيناتسيا پاسپورتىن جاساعاندار ىستەگەندەرىنە وكىنىپ، ەكپە العىسى كەلسە، ونى اقىلى تۇردە وتكىزۋدى قولدايتىنىن ايتتى.
«بۇل ماسەلە قوعامدىق دەنساۋلىق ساقتاۋ دەپارتامەنتىنىڭ باقىلاۋىندا. كوپ جاعدايدا ۆاكسينا توگىلدى، ولار ۇكىمەتكە دە، قوعامعا دا زيان تيگىزىپ وتىر. سوندىقتان ءوز قالتاسىنان ۆاكسيناتسيادان وتكىزۋگە ماجبۇرلەۋ كەرەك. بۇل مەنىڭ ۇسىنىسىم، مەنىڭ ويىم»، - دەدى قالانىڭ باس سانيتاريا دارىگەرى.
اۆتور: الما مۇقانوۆا