قازاقستان اۋە شابۋىلىنا قارسى مايدان جانە اۆياتسيا قۇرامىن ۇلعايتتى
«قارۋلى كۇشتەردە قىراعىلىقتى كۇشەيتۋ اياسىندا مىناداي ءىس- شارالار وتكىزىلۋدە. داعدارىستىق جاعداي تۋىنداعان كەزدە كەزەكشىلىك كۇشتەر مەن قۇرالداردىڭ ءىس- قيمىلدارىنىڭ ءتارتىبى ناقتىلانىپ، جاتتىعۋلار وتكىزىلدى. بىرلەسكەن ىقتيمال ءىس- قيمىلداردى ۇيىمداستىرۋ ءۇشىن مەملەكەتتىك ورگاندار باسقا دا اسكەرلەر، اسكەري قۇرىلىمدار اراسىندا ءوزارا جۇمىس ۇيىمداستىرىلدى»، - دەدى ول.
باسقارما باستىعىنىڭ اتاپ وتۋىنشە، اۋە كەڭىستىگىن قورعاۋ قىزمەت اتقاراتىن كەزەكشىلىك اتقاراتىن كۇشتەر مەن اۋە شابۋىلىنا قارسى مايدان جانە اۆياتسيا قۇرامى ۇلعايتىلدى.
«اسكەري نىسانداردىڭ ديۆەرسياعا قارسى قاۋىپسىزدىگى كۇشەيتىلىپ، قويمالار مەن ارسەنالداردى كۇزەتۋ ءۇشىن قوسىمشا جاساقتار ءبولىندى. ارنايى وپەراتسيالار مەن اسكەري كولىك- اۆياتسيا كۇشتەرىنىڭ بولىمشەلەرى كۇشەيتىلگەن جۇمىس رەجيمىنە اۋىستىرىلدى. قارۋلى كۇشتەردىڭ مەملەكەتتىك شەكارانى قورعاۋدى كۇشەيتۋ جونىندەگى ءىس- قيمىل جوسپارلارى ناقتىلاندى»، - دەدى داۋرەن ابدۋللين.