الماتى مەكتەپتەرى قانداي جاعدايدا ونلاين فورماتقا اۋىسادى
«ەگەر سىنىپتا كوروناۆيرۋس جۇقتىرعان وقۋشى انىقتالاتىن بولسا، وندا وقۋشىلار ونلاين رەجيمگە اۋىستىرىلادى. ەگەر وقۋشىلار مەن مۇعالىمدەردىڭ 20 پايىزى ۆيرۋس جۇقتىرسا كارانتين ەمەس، مەكتەپ تولىعىمەن جابىلادى. وقۋشىلاردىڭ جارتىسى وقىپ، جارتىسى وقىماسا كارانتين بولادى»، - دەپ ءتۇسىندىردى جانداربەك بەكشين.
سونىمەن قاتار، ول سوزىلمالى اۋرۋى بار وقۋشىلار قالاي وقيتىنىن تىلگە تيەك ەتتى.
«اتا- انالاردان وتىنىشتەر كەلىپ ءتۇسىپ جاتىر. ولار سوزىلمالى اۋرۋمەن اۋىراتىن بالالارىن ونلاين ءبىلىم بەرۋگە اۋىستىرۋدى سۇرايدى. كوپتەگەن اتا- انا وسىنداي ءوتىنىش جازادى. ەگەر بۇل مەديتسينالىق قۇجاتتارمەن راستالسا، بالا ۇيدەن وقۋعا اۋىستىرىلادى. سونىمەن قاتار، ەگەر سىنىپتا ناۋقاس ادام تابىلسا، ينفەكسيانىڭ تۇتاستاي تارالماۋى ءۇشىن بارلىق سىنىپ ونلاينعا فورماتقا كوشەدى» - دەپ قوستى سپيكەر.
اۆتور: الما مۇقانوۆا