اۋە ايلاعى شەتەلدىكتەر مەن شەتەلدە ساياسي باسپانا العان جەرگىلىكتى تۇرعىنداردى ەۆاكۋاتسيالاۋ ءۇشىن قولدانىلىپ جاتىر. ءبىراق تالىپتەردەن قاشقان ادامدار قاراسى قالىڭ.
ا ق ش جۋىق ارادا ول جەرگە تاعى 500 اسكەرىن اتتاندىرماق. قازىر وندا 2,5 مىڭ امەريكالىق سارباز بار. اۋەجايداعى اسكەر سانىن 6 مىڭعا جەتكىزۋدى جوسپارلاپ وتىر. بۇدان بولەك ۇلىبريتانيانىڭ 700 جاۋىنگەرى بار. فرانسيا دا ادامداردى كوشىرۋ ءۇشىن ارنايى جاساعىن جىبەرەتىنىن مالىمدەدى.
ال بۇقارالىق اقپارات قۇرالدارى كابۋلدىڭ وزىندە جاعداي تۇراقتى ەكەنىن حابارلايدى. «تاليبان» راديكالدى قوزعالىسى ەلدەگى بارلىق ادامداردى ەش الاڭسىز جۇمىسقا شىعۋعا شاقىرعان. بۇل تۋرالى كاتارداعى تالىپتەردىڭ وكىلى مالىمدەدى. ونىڭ ايتۋىنشا، تۇرعىندار بۇرىنعى ۇكىمەتكە قىزمەت ەتكەنى ءۇشىن قورىقپاي جۇمىسقا ورالا الادى. ءبىراق ايەلدەر حيدجاب كيىپ ءجۇرۋى ءتيىس دەيدى.