كابۋلدان ۇشىپ كەتپەك بولعان بىرنەشە ادام ۇشاقتان قۇلادى
21:05, 16 - تامىز 2021
نۇر-سۇلتان.قازاقپارات -كابۋل اۋەجايىنداعى دۇربەلەڭ ءالى دە جالعاسىپ جاتىر. جۇرت ەلدەن كەتۋدىڭ امالىن ىزدەپ سابىلىپ ءجۇر، دەپ حابارلايدى «حابار 24».
كەيبىرەۋلەرى ءتىپتى اۋە كەمەسىنىڭ شاسسيىنە جارماسىپ، ۇشىپ كەتپەك بولعان. الايدا ۇشاق كوككە كوتەرىلىپ، شاسسي جابىلعاندا ازاماتتار تومەن قاراي قۇلاپ، قايتىس بولعان.
جەرگىلىكتى ب ا ق وكىلدەرىنىڭ حابارلاۋىنشا، كەيبىرىنىڭ دەنەسى تۋرا تۇرعىن ۇيلەردىڭ ۇستىنە قۇلاعان. ايتا كەتەيىك، قازىر كابۋل اۋەجايىندا ىعى- جىعى حالىق. ەلدەگى احۋالعا بايلانىستى ءبارى ەلدەن كەتۋگە اسىق.