ساياسات تانۋشى اۋعان بوسقىندارىن قابىلداۋ جونىندەگى فەيك جايىندا
20:02, 16 - تامىز 2021
نۇر- سۇلتان. قازاقپارات - ساياسات تانۋشى ەرلان قارين قازاقستان اۋعانستان بوسقىندارىن قابىلدايدى دەلىنگەن اقپاراتقا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«قازاقستاننىڭ سىرتقى ىستەر مينيسترلىگى بۇل جايتقا قاتىستى تۇسىندىرمە جاسادى. اتاپ ايتار بولساق، بۇل اقپارات شىندىققا جاناسپايدى. احۋالدى ءجىتى باقىلاپ وتىرعاندار قازىرگى جاعدايدا، بارلىق شەكارالىق وتكەلدەر جابىق تۇرعان كەزدە اۋعان ازاماتتارىنىڭ جاپپاي ەلدەن كەتۋى، ءتىپتى بوسقىندار جايىندا ءسوز بولۋى مۇمكىن ەمەس ەكەندىگىن ءتۇسىنۋى قاجەت. ءتىپتى كەيبىر مەملەكەتتەر ديپلماتتارىن ەۆاكۋاتسيالاپ ۇلگەرمەي جاتقاندىعىن دا كورىپ وتىرمىز. سوندىقتان بۇل ماسەلە كۇن تارتىبىندە بولا المايدى»، - دەدى ساياساتتانۋشى.